Në foto: JUSUF GËRVALLA dhe SUZANA GËRVALLA

atëbotë,

unë kalamai

nuk mbaj mend,

nuk kam ditur

të perceptoj

defa as tupana,

po atë jehonë

edhe sot

e kemi onomatope

në ne

dhe me ne

 

tevona,

në rriten time të hershme

jehona

veç sa u shtua

e nuk u shua,

n´kohën e pa kohë

mbeti çdo gjë e vlerëshme

nga Epokë e Tyre

plot Nderë Shembëlltyre

 

martesë e bekuar,

e thanë të gjithë,

dhuratë

me uratë,

trashëgimtarë t´dëshiruar

kombit,

fisit,

trollit,

i dhatë,

na i latë

vlerë

për t´ruajtur Nderë

 

po, këngëtar

s´nevoitej të keni

se këngëtarë

vet jeni,

me gitarë

o Atdhetar,

pse jo

n´Dasmen tënde

t´marrësh uratë nëne,

të i këndosh pragut,

shpisë e dheut,

dashurisë së zemrës,

t´bukurës së Atdheut

dhe gëzimit të Nënës

me vulë të Korifeut

 

e Jusuf Gërvalla,

atë urim vëllau

sot për atëherë

plot dashuri

po ta them:

u trashëguat me nderë,

me bekim t´Shqipnisë,

o Heroi im

i Kombit tim Sublim!

 

Mentor Thaqi VS., 29.09.2012

 

Rating (Votes: )

Comments (0)

Dërgoja shokut

Printo

---