Këngëtarja pop nga Britania, me prejardhje kosovare, Rita Ora, ka publikuar videoklipin e saj më të ri "Shine Ya Light". Xhirimet për video-klipin "Shine Ya Light", Rita Ora i ka bërë në Kosovë.

Qindra kosovarë e patën pritur atë, si në Aeroportin e Prishtinës, ashtu edhe para pallatit të Rinisë, ku këngëtarja me famë botërore, kishte kryer xhirime mbi obeliskun "Newborn".

Me këtë rast britanikja, Daily Mail, e pati shënuar vizitën e pop këngëtares në Kosovë, duke thënë se "ajo u kthye te rrënjët e saj" për të kryer xhirime për spotin e ri.

Ylli, kishte Daily Mail, "dëshiron të ndihmojë që ta vendosë fuqishëm vendin e saj në hartë, duke xhiruar videoklipin e fundit në qytet".

Dhe, gjykuar nga videoklipi, Rita Ora duket e ka arritur një gjë të tillë.

Rita Ora ka arritur suksesin e madh në Britani, me hitet e saj, të cilat janë ngjitur në majë të toplistave botërore.

Rita ka lindur në Prishtinë, dhe është zhvendosur në Britaninë e Madhe, kur ishte vetëm njëvjeçare.

http://www.youtube.com/watch?v=sUz-7cFpjO8

Rating (Votes: )

Comments (0)

Dërgoja shokut

Printo

---