Voal-online - LOS ANXHELOS, 15 JANAR - Mediat botërore janë të njëzëshme se
surpriza e vërtetë e mbrëmjes së dorëzimit të çmimeve Gloden Globe 2013 ishte
shfaqja në skenë e Bill Clintonit. Ish Presidenti i Shteteve të Bashkuara të
Amerikës, i cili është pritur me ngritjen e publikut në këmbë dhe ovacione të
gjata, ka paraqitur filmin mbi pasardhësin e tij Lincoln, të cilin e ka
përkufizuar "një burrë i zoti për ta shpëtuar Amerikën dhe për ta
shfuqizuar skllavërinë".
Gjithashtu mediat vlerësojnë se Shoqata e Gazetarëve të Huaj pranë Hollivudit
(The Hollywood Foreign Press Association) e ngriti më tej shkallën e
rivalitetit me Oscarët duke bërë disa surpriza, në mënyrë të veçantë me praninë
e Bill Clintonit në ceremoninë e dhënies së çmimeve të saj Golden Globe në
ceremoninë e parmbëmshme.
Ish Presidenti i SHBA doli në skenë për të paraqitur një klip për filmin
kushtuar Abraham Lincolnit. "Ai bëri një betejë të madhe për të miratuar
një ligj në një Dhomë të Përfaqësuesve tejet të ndarë - fitore që do t'i kërkonin
presidentit një mori kompromisesh... Unë mësova nga ky film shumë gjëra për të
cilat nuk dija fare," tha ai.
Dalja e tij në skenë ishte rezultat i miqësisë së tij me regjisorin e filmit
'Lincoln' Steven Spielberg i cili e bindi atë të udhëtojë për në Los Anxhelos.
Por kjo nuk solli çmimin e filmit më të mirë për 'Lincoln', ndonëse filmi ishte
favorit i pjesës më të madhe të kritikës. Siç dihet tashmë, çmimin Golden Globe
për filmin më të mirë dramatik e fitoi 'Argo'.