Ka më shumë se pesë vite që i ashtuquajturi kryetar i Degës së LDK-së në
Gjermani z. Qazim Bajgoraliu, në vazhdimësi dhe në mënyrë perfide shpif dhe
sajon rrena me qëllim për ta njollosur në opinion figurën, punën dhe emrin e z.
Hafiz Gagica, ish kryetarit të Degës dhe Kolegjiumit të gjitha degëve të LDK-së
në diasporë në periudhën kohore 1990-2005.
Pa dashur të hyjmë në detale si ka ardhur në krye të Degës Bajgoraliu, duhet
nënvizuar faktin se aty nuk ka ardhur për hir të meritave dhe punës që ka bërë,
por si rrjedhojë e (mos)marrëveshjeve të brendshme grupore në këtë degë,
edhe ashtu është e pakonstituuar dhe e paplotësuar, e cila përveç organizimit të
disa akademive përkujtimore nuk ka bërë ndonjë punë tjetër konkrete për të
mirën e bashkatdhetarëve tanë, sidomos që kur udhëhiqet nga kryetari aktual i
kësaj dege.
Mirëpo, ajo që e ka karakterizuar "punën" e Qazim Bajgoraliut në këtë periudhë,
është pa dyshim, sjellja e tij hileqare dhe përbuzëse ndaj gjithë asaj që ka
punuar dhe vepruar z. Hafiz Gagica për më shumë se një dekadë e gjysmë, dhe
këtë abuzim vazhdon ta bënë pa kurrfarë arsyeje që eventualisht do mund të
merrej si alibi për sjelljet e tij fyese dhe armiqësore ndaj z. Gagica..!?
z. Hafiz Gagica me presidentin Ibrahim Rugova në Shtutgart, 1992
Ajo që na ka shtyrë të reagojmë publikisht, është fakti se z. Bajgoraliu
ose i nxitur nga dikush,ose vullnetarisht dhe pa asnjë fakt real për më shumë
se pesë vite nuk i ka ndalur sulmet, qoftë në media, qoftë në internet ndaj
figurës së z. Gagica, duke akuzuar se gjoja e paskësh pas sharë presidentin
Rugova (shih kopjen e gazetës) dhe se për këtë shkak, gjithnjë sipas vendimit të
tij arbitrar; "ata që e kanë sha presidentin Rugova, nuk paskan të drejt të
flasin tash në emër të tij..", dhe këtë faqe gazete të kopjuar ky trillues e ka
vendosë si panoramë madje edhe në profilin e tij në Facebook.., të cilën
shpeshherë e ka shpërndarë nëpër rrjete sociale për t'i manipuluar lexuesit dhe
"miqtë" e tij (shih profilin: LDK Dega Gjermani)..?! Hiç më larg se dje, prapë
ka komentuar tek një foto e postuar nga "Rugovistët Pejë", se cili prej
kandidatëve do ishte më i miri që të zgjidhej për kryetar të LDK-së, pra një
anketë e lirë ku secili mund ta jepte mendimin e vetë, dhe ja se çfarë shkruan
(tekstin po e jap në origjinal sepse ka plotë gabime gjuhësore): "Qazim
Bajgoraliu: Kur po i shoh disa kanditat te propozuar të cilet kan shantazhuar
ne menyra të ndryshme dhe kan ofenduar presidentin Rugova, kan punuar ne
rreninim dhe shkaterrimin e LDK-se, kan nderruar nga disa parti, po mungojn per
tu kandiduar edhe disa te tjere ne krye me Bujar Bukoshin..." !? Pra, është e
qartë se fjalën e ka për z. Gagica, që fletë qartë se ky është edhe autori i
pamfletit gazetaresk i cili në gazetën "Bota Sot" i botuar para pesë viteve ka
dalë në emër të kryesisë së Nëndegës në NRW, gjë që dëshmon qartë se autori i
këtij shkrimi ka qenë ky vetë e jo kryesia e nëndegës. Pra, ka manipuluar me
emrin e një strukture partiake duke përdorur stilin hileqar "hudhe gurin dhe fshihe
dorën.."!? Të njëjtën logjikë të kalbur po e përdorur edhe sot duke lëshuar
helme dhe shpifje prej më të ndytave ndaj z. Gagica, njeriut i cili përveç se
ishte bashkëpunëtori më i afërt i presidentit Ibrahim Rugova, ishte ndër
themeluesit kryesorë të LDK-së në Gjermani si dhe njeriu më i besueshëm i tij
gjatë periudhave më të vështira nëpër të cilat ka kaluar Kosova, por edhe vetë
presidenti Ibrahim Rugova. Do të cekim këtu vetëm një rast, nga dhjetëra të
tjera, për të cilin z. Bajgoraliu ndoshta as që ka ditur, se në kohën kur është
marrë peng presidenti Rugova, ka qenë i vetmi zë z. Hafiz Gagica ai i cili ka
bërë më së shumti për lirimin e tij nga duart kriminale të Millosheviçit, dhe
atë duke u angazhuar personalisht në relacionet më të larta të shtetit dhe
qeverive të tek dy shtetet tona mike Bonn-Romë..
Në Velani, Hafizi te presidenti Ibrahim Rugova
Hafiz Gagica te ministri i jashtëm gjerman z. Hans Dietrich Gensher..
Dhe, siç e ka thënë njëherë një rugovist i përbetuar; z. Gagica edhe po të dalë
me flamur me e sha Rugovën në sheshin "Nënë Tereza", ai prapë është më mik i
Rugovës sesa disa që kanë bërë karrierë duke punuar pas shpine kundër
presidentit Rugova. Me një fjalë, z. Hafiz Gagica ka qenë ndër figurat më
eminente e LDK-së brenda dhe jashtë Kosovës, dhe këtë e dinë shumë mirë e
gjithë mërgata shqiptare nga Gjermania e deri në SHBA, Australi dhe Zelandën e
Re, që falë punës dhe angazhimit të tij personal Kosovës i është lejuar nga
organet shtetërore gjermane formimi, funksionimi dhe regjistrimi i qeverisë
sonë në exil, kuptohet në emër të Degës së LDK-së, siç është lejuar rekrutimi,
mobilizimi, blerja dhe dërgimi i armatimit në front, ndihmat e ndryshme si dhe
hapja e disa fondeve bankare për grumbullimin e mjeteve financiare për nevojat
e luftës sonë çlirimtare e deri tek aktiviteti i papenguar nga organet vendore
gjermane të mbi 130 nëndegëve dhe mbi 350 aktiveve të LDK-së në gjithë
territorin e këtij shtet mik. Pa i cekur këtu qindra dhe mijëra takime të
bashkatdhetarëve, protestat, demonstratat, shpërndarjen e mijëra broshurave dhe
informatave të QIK-ut tek institucionet lokale, landeve dhe ato federative, ku
çështja e Kosovës arriti të hynte dhe të bëhet pika kryesore e ditës brenda
agjendave të zyrave dhe forumeve më të larta të vendosjeve ndërkombëtare. Dhe,
pas gjithë kësaj dhe qindra veprave dhe sakrificave vetanake të z. Gagica,
bashkë më krejt organizimin dhe mobilizimin e anëtarësisë e LDK-së anë e mbanë
Gjermanisë, të del në opinion ky farë kryetari Bajgoraliu dhe të bënë antipropagandë
kaq hileqare kundër z. Gagica, nuk ka më asnjë dyshim se kjo sjellje e tij e
papërgjegjshme i ka tejkaluar gjithë kufijtë e durimit, jo vetëm për mua si
aktivistë shumëvjeçar i partisë rugoviane në Gjermani, por edhe për
gjithë anëtarësinë e LDK-së, e cila i njeh shumë mirë kontributet madhore të
tij. Sepse, kur fyhet njëra ndër figurat më të shquara të mërgatës shqiptare
siç ishte dhe është z. Hafiz Gagica, të gjithë ne që kemi punuar nën udhëheqjen
e tij, ndjehemi të fyer dhe të lënduar njëkohësisht. Prandaj, nuk pranojmë më
që askush të na imponon rrena dhe shpifje që kanë prapavijë të caktuar
politike, ani pse deri tash kemi heshtur ndaj këtyre shpifjeve të tij me qëllim
të vetëm që mos të nxisim debate dhe polemika nga të cilat mund të dëmtoheshin
rrjedhat e brendshme partiake të LDK-së. Por, pasi që ky Bajgoraiu nuk e ka pa
të arsyeshme me e ndërpre këtë fushatë djallëzore kundër ish kryetarit të tij
të dikurshëm, gjegjësisht kundër udhëheqësit tonë shumë të nderuar dhe shumë të
suksesshëm z. Gagica, vendosëm të reagojmë me këtë shkrim për ta njoftuar
opinionin dhe anëtarësinë tonë se shkrimi i gazetës dhe gjitha komentet dhe
akuzat, përfshirë edhe komentin e tij të fundit në FB, të cilat me vite po
mundohet me ia mvesh z. Gagica, në emër për gjoja sharjen e Rugovës, që një gjë
e tillë edhe po të ishte e vërtetë, i kanë tejkaluar kufijtë e
njerëzores, politikës dhe filozofisë rugoviane, në emër të së cilës me
paturpësi vazhdon të thirret, dhe, me të cilën qëllimisht po manipulon dhe
shpif ndaj kryetarit historik të mërgatës shqiptare ky farë Bajgoraliu,
alias kryetari i Degës së LDK-së në Gjermani. Dhe, natyrisht se me kaq nuk
përfundon storja dhe rrëfimi për ata të cilët po kurdisin lojërat dhe shpifjet
ogurzeza kundër z. Hafiz Gagica..!?