Parlamenti i Kosovës dhe institucionet përgjegjëse të Republikës së Kosovës,
deri më tani s`kan treguar përgjegjësi institucionale, për t`i nderuar dhe
përkujtuar ashtu si duhet dhe si e meritojnë dy data me rëndësi historike: 2
K0RRTORIN DHE 7 FRYTORIN (SHTATORIN) E VITIT 1990, KUR U SHPALL KOSOVA
REPUBLIKË, nga delegatët e Kuvendit të Kosovës, të cilët pothuaj se janë lënë
në harresë, nga parlamentarët e tashëm të Republikës së Kosovës, shumica prej
tyre, janë përkujdesur dhe vazhdimisht përkujdesen, vetëm për tu pasuruar
përmes ardhjes në pushtet e pozitë, për të rregulluar mirëqenjën e tyre
vetanake, e sa për mirëqenien e popullit, deri më tani është dëshmuar se sa i
përket fatit të tij me gjithëmend e kanë lënë në pergjegjen që u jepet
shpeshëherë lypsarëve në rrugë kur lypn lëmosh, e s`ju japin asgjë, por u thonë
mes tjerash:"...Zoti të ndihmoft"..! A.F
Dega e LDK-së në Zvicër me një tubim festiv shenoi 23 vjetorin e Deklaratës
Kushtetuese të Republikës së Kosovës e njohur në popullin shqiptar si "Deklarata
e 2 Korrikut", Zofingen,30 qershor 2013
Me rastin e 23 vjetorit të Deklaratës Kushtetuese të Republikës së Kosovës, nën
kujdesin e Degës së LDK-së në Zvicër, organizatorët e këtij manifestimi ishin
nëndegët e LDK-së në Zofingen, Langenthal, Wilisau, Niedwalden dhe Shoqata
Humanitare "Salih Çekaj" në Zvicër.
Pas ndëgjimit dhe nderimit që ju bë hymnit të Kosovës - hymnit Dardan " Kur ka
ra kushtrimi n`Kosovë", z. Zeqir Gjukaj, bëri hapjen e programit duke
përshëndetur praninë e sekretarit të degës së LDK-së për Gjermani dhe
ushtarakun e UçK-së z. Shpend Shala, ish zëvendës ministrin e mbrojtjës në
ministrin e Ahmet Krasniqit z. Agim Mehmeti, kryetarin e Degës së LDK-së në
Zvicër z. Haki Latifi dhe kryesinë e kësaj Dege, kryetarin e Shoqatës
Humanitare"Salih Çekaj" z. Saim Tahiraj, z.Abas Fejzullahu, kryetar i Shoqatës
Bashkimi i Intelektualëve Shqiptarë në Zvicër etj.
Pamje nga nderimi i himnit " Kur ka ra kushtrimi n`Kosovë"
Në fjalimin e tij, z.Haki Latifi, Kryetar i degës së LDK-së në Zvicër, në fillim
u drejtoj një falënderim kryesive të nëndegëve të LDK-së në Zofingen,
Langenthal, Wilisau, Niedwalden dhe Shoqata Humanitare "Salih Çekaj" në Zvicër,
në cilësinë e mikpritësit për ndihmën e dhënë në organizimin e bashkatdhetarëve
të këtyre rajoneve. Në vijim lexoi punimin e tij kushtuar dy datave historike:
Të nderuar pjesmarrës
Jemi tubuar sot që të festojmë së bashku shënimin e 23- vjetorit të Deklaratës
Kushtetuese të Republikës së Kosovës në të cilën, më 2 korrik të këtij viti,
mbushen 23-vjet nga dita e miratimit të kësaj Deklarate nga delegatët e
Kuvendit të atëhershëm të Kosovës para dyerve të Parlamentit të Kosovës të
rrethuar me polici serbo -sllave anë e mbanë, deputetët Ilaz Ramajliu, Bujar
Gjurgjeala, Muharrem Shabani dhe 112 deputet të tjerë qendronin të përgatitur
për të u ballafaquar me rrahjen, dhunën, sharjen, gjakosjen deri edhe vrasjen e
tyre.
Z.Haki Latifi duke lexuar punimin e tij përmbajta e të cilit është paraqitur i
tëri në vijim
Shpallja dhe Miratimi i kësaj deklarate ishte padyshim një akt me rëndësi
vendimtare për historinë më të re të Kosovës e të popullit shqiptar, ishte
gurthemelin e shtetit të Kosovës. Ky akt politiko-juridik ishte shprehje e
aspiratave të popullit të Kosovës për liri dhe mëvetësi në rrethanat e reja që
po krijoheshin asokohe ndër shqiptarët dhe në gjithë rajonin e Ballkanit ishte
gur themel i pavarësisë së Kosovës. Shpalljës së Kushtetuese të Republikës së
Kosovës i paraprinë shuarja e autonomisë së atëhershme që kishte Kosova me
kushtetutën e e vitit 1974 dhe tani po shënonte fillimin e serbizimit të
Kosovës dhe në të njëjtën kohë paraqiste hyrje në një periudhë tepër të rëndë
për shqiptarët të cilët po trajtoheshin, jo vetëm si qytetarë të rendit të
dytë, por edhe po u nënshtroheshin torturave sistematike nga regjimi kriminal
serb.
Duke qenë të vetëdijshëm për momentin historik para të cilit ndodhej Kosova,
delegatët e atëhershëm të Kuvendit të Kosovës, më 2 korrik të vitit 1990,
miratuan publikisht (para Kuvendit të Kosovës) Deklaratën Kushtetuese, me të cilën
Kosova u shpall njësi e veçantë në kuadër të federatës së atëhershme jugosllave. Ky
ishte një akt historik i pritur moti dhe që shprehte aspiratat shekullore të
popullit të Kosovës për mëvetësi shtetërore e territoriale nga Serbia.
Moment politik me rëndësi në ato rrethana ishte fakti se në Kosovë tashmë po
vepronte një lëvizje e fuqishme demokratike shtetformuese në krye me LDK-në.
Ishte kjo koha kur në horizont tashmë dukej shpërbërja e qartë e ish-RSFJ-së,
krijesë kjo artificiale dhe krejtësisht antishqiptare e dominuar kryesisht nga
ambiciet dhe politika hegjemoniste serbe.
Dy muaj pas shpalljes së Deklaratës Kushtetuese, që në popull njihet edhe si
Deklarata e Pavarësisë, pra më 7 shtator të vitit 1990, të njëjtët delegatë
nxorën aktin më të lartë juridik - Kushtetutën e Republikës së Kosovës dhe me
këtë ata edhe formalisht Kosovën e shpallën Republikë.
Por, sikundër pritej edhe në ato momente dramatike, Serbia fill pas shpalljes
së Deklaratës Kushtetuese vendosi gjendjen e jashtëzakonshme në Kosovë, duke
suprimuar me forcën e tankeve të gjitha institucionet e Kosovës, duke filluar
nga Kuvendi e Këshilli Ekzekutiv i tij dhe deri tek të gjitha institucionet e
tjera shkencore, arsimore e kulturore. Edhe delegatët e kësaj legjislature nuk
mund ti shpëtonin ndjekjeve dhe burgosjeve nga policija serbo-sllave në të
cilën një pjesë e tyre duke ju falenderuar bujarisë dhe kontributit të
veprimtarëve të Degës së LDK-së në Zvicër gjetën strehim në familjët shqiptare
në Zvicër.Nuk ka asnjë dyshim se Deklarata Kushtetuese e 2 Korrikut, të vitit
1990, shënon pikënisjen e shtetësisë së Kosovës, që do të shpjerë deri në ditët
e sotme, kur Kosova tashmë e ka dhe e gëzon edhe pavarësinë formale si shtet.
Në rrethanat e tashme dhe pas përfundimit të luftës, të masakrimeve, të eksodit
masiv të popullit të Kosovës e të shkatërrimeve të tmerrshme, mund të thuhet se
ekziston një lidhëshmëri e fuqishme e përpjekjeve të popullit të Kosovës për
liri, për pavarësi e për shtetësi. Kjo idhëshmëri nuk mund të mohohet nga
askush dhe kjo që po përjeton tash Kosova është meritë e popullit, e atyre që
për lirinë e Kosovës u angazhuan politikisht dhe ushtarakisht, e atyre që u sakrifikuan dhe që dhanë jetën për
lirinë, për demokracinë dhe për pavarësinë e Kosovës. Ky akt i legjislaturës së
vitit 1990, nuk ishte akt i izoluar , ai bazën e kishte në kërkesat e gjera të
qytetarëve të Kosovës, të cilët kërkonin mëvetësi, ashtu si edhe njësitë tjera të ish-Jugosllavisë.
Deputetët e atëhershëm mbështetëshin edhe në Deklaratën e Akademisë së Shkencave
dhe të Arteve të Kosovës, si dhe në qëndrimet e forumit të partive politike që
u mbajt një ditë më parë. Në shtegun drejt reakizimit të pavarësisë, ky akt i
rëndësishëm pastaj u pasurua edhe me akte të tjera, si dhe me luftën e ushtrisë
çlirimtare të Kosovës.
Vendimi për shpalljën e deklaratës kushtetuese është një ngjarje e cila për
herë të parë në Kosovë paraqitet me një orjentim përendimor, me mendime plurale
dhe demokratike. Nën udhëheqjën e presidentit tonë historik Dr.Ibrahim Rugova,
në saja të udhëheqjës së drejtë kësaj partije, ju bashkuan të gjithë shqiptarët
kudo që ndodhëshin në botë.Organizimi i mirëfillt politik nga Dr.Rugova dhe
bashkëpuntorët e tij ishte i shkelqyeshëm dhe hapi rrugën e të gjitha
organizimeve, të cilët janë themelët e çlirimit të vendit nga okupimi serbë dhe
njohja ndërkombëtare e shtetit të Kosovës. LDK-së gjatë asaj periudhe ju deshtë
që ti mobilizoj të gjitha forcat të cilat do të bazoheshin në unitet, në mënyrë
që të realizohët projekti i strategut tonë Dr.Ibrahim Rugovës dhe të gjithë
veprimtarëve të cilët me sakrificën e jetës së tyre kontribuan për liri dhe
demokraci dhe shtet sovran të Republikës së Kosovës. Vlen të përmendët edhe
përkushtimi në këtë rast i Heroit Salih Çekaj i cili në cilësin e juristit të gjykatës
komunale të Deçanit, doli haptas në përkrahje të kushtetutës së 7 shtatorit si
njëri ndër hartuesit kryesor të statutit komunal në bazë te kushtetutës se
Kaçanikut.U falemi përjetë të gjithë atyre që ranë për të mos vdekur kurrë në
kujtesën e shqiptarëve.
Nderimi i përjetshëm për veprimtarët dhe ata njerëz që fizikisht nuk i kemi në
mesin tonë! Ata bënë që këta përvjetorë, të mbajnë vulën e angazhimeve dhe të
punës së tyre tha në fund kryetari Degës së LDK-së në Zvicër z. Haki Latifi.
Ndërsa në vazhdim Mësuesi i shkollës së mësimit plotësues të gjuhës shqipe z.
Hamzë Morina kishte përgaditur një program të pasur recitimesh të përgaditura
nga nxënësit.
Pjesë e dytë e këtij programi festiv vazhdoj me këngë dhe valle të kënduara nga
këngëtarët e mirënjohur Lule Bajra, Mentor Mushkolaj, Valon Islamaj, Gjide
Morina dhe Minire Ramadani me Orkestrën e tyre. Me këtë shifet se kjo Degë e
LDK-së në Zvicër ishte dhe mbetet madhështia e shqiptarëve në mërgatë. Salla e
mbushur përplot gumëzhinte, dhe dukej aq madhështore kur thuaja se të gjithë të
rinjë, të moshuar, fëmijë, gra e burra së bashku dora dorës vallëzonin, dhe
këndonin në zë për shqiptarinë, në atë sallën e bukur e të madhe, dhe të
stermbushur përplot me shqiptarë. Organizime të tilla dinë të bëjë vetëm
vullneti dhe dashuria ndaj kombit, e këtë e ka treguar LDK-ja në Zvicer që 23
vite, kur organizon dhe feston LDK-ja, aty ka vlera, ka dashuri dhe ka
madhështi, tipare këto që na i la amanet i Madhi i kombit shqiptarë Presidenti
historik Dr.Ibrahim Rugova.
Nxënësit e MPSHSH nga Dulikeni kantoni Solothurn paraqiten një program të pasur
me këngë e recitime
LAPSH" Naim Frashëri" në kantonin Solothurn, për nderë të dy datave historike
në këtë organizim u paraqiten mjaft me sukses ku dhe u duartrokiten nga të pranishmit
në shenjë falënderimi për pogramin e pasur me këngë dhe recitime, përgatitur
nga mësuesi z.Hamzë Morina bashkë me nxënësit nga Dulikeni që vijojnë mësimin
plotësues në gjuhën shqipe.
Këngëtarja Lule Bajri me këngët e kënduara nxiti pjesëmarrësit në vallëzim e
hare siç shifet në foto.
Voglushët ulur këmbëkryq përcjellin programin me këngë nga këngëtarja e
mirënjohur Lule Bajri, ku pjesëmarrësit i nxiti të vallëzojnë nën tingujt e
muzikës dhe këngëve të kënduara.
Pamje nga përcjellja e programit muzikor