MANIFESTIMI TRADICIONAL'ORA E MALEVE' –ROZHAJË, 20SHTATOR 2014
E Mërkurë, 09.24.2014, 07:17am (GMT+1)
   Në takimin e gjashtë letrar në këto troje ku gjuha shqipe akoma nuk lejon asimlimin e plotë të kombit tonë,ne sërish të ftuar në Rozhajën mikpritëse u pritëm me plot ngrohtësi vëllazërore nga organizatori i Manifestimit,z.Ali Daci.
Në Qendrën e Kulturës-Rozhajë,u hap ekspozita e piktorit boshnjak Muhamed Xherlek, i cili prezantoi një numër të madh karikaturash që preknin aktualitetin tonë të hidhur.
Në sallën e mbushur me plot artdashës shqiptarë e boshnjakë,u mbajt ORA E MADHE LETRARE të cilën e hapi organizatori Ali Daci ,ndërsa moderimin e vazhdoi Serafina Lajqi.Ora filloi me intonimin e himnit tonë kombëtar dhe me një minut heshtje për viktimat e luftës së fundit në Kosovë,orë kjo që ju kushtohet të rënëve.
Manifestimin e hapi organizatori z.Ali Daci dhe pastaj filloi moderatorja,Serafina Lajqi.
Ora filloi me përurimin e librit të shkrimtarit të mirënjohur boshnjak Safet Hadroviq Vrbiçki,me interpretim të një fragmenti të poemës nga aktorët Niman Muçaj dhe Bute Haklajt.
Analizën letrare për veprën" Viktima",e prezantoi prof.dr.Zejnepe Alili Rexhepi-Tetovë.
Në këtë Manifestim mori pjesë edhe Kryetari i Lidhjes së Shkrimtarëve të diasporës,z.Hasan Qyqalla dhe ministri i diasporës,z.Shani Hamitaga.
Pas kësaj filloi deklamimi i poezive nga të ftuarit në gjuhën shqipe dhe në gjuhën boshnjake.Të pranishmit u dekoruan me mirënjohje nga i nderuari z.Ali Daci.
Në mbrëmje mysafirët u vendosën në hotel "ALDI" ku u pritëm rreth një sofre të madhe gjithë mysafirët shqiptarë dhe boshnjakë.Bisedat,kënga dhe vallja,na bashkuan në një.Ngrohtësia dhe mikpritja e organizatorëve,i bënë mysafirët të ndjehen si në shtëpitë e tyre.
Rozhaja na dha shembull se si duhet pritur mysafiri,se si zgjerohen kultura dhe arti.
Faleminderit Rozhajë,kujtim i përjetshëm në mendjet tona !
www.voal-online.ch
|
Comments (0)
Dërgoja shokut
Printo
A.jpg "DOLI NË QARKULLIM LIBRI I RI POETIK I ELIDA BUÇPAPAJT \"RAPSODI E GOLGOTËS SË TRANZICIONIT\""){kind=icon}
