FOTO E RRALLË E HASAN PRISHTINËS ME BASHKËSHORTEN
E Hënë, 10.27.2014, 09:11pm (GMT+1)
Një foto e rrallë e një personaliteti të historisë së Shqipërisë ka dalë në dritë. Bëhet fjalë për ish-Kryeministrin, politikanin dhe patriotin e njohur Hasan Prishtinën.
Atdhetari i madh, intelektuali, luftëtari dhe ideologu kryesor i lëvizjes për pavarësinë e shqiptarëve, Hasan Prishtina, nga gjeneratat e reja shumë rrallë është parë në foto me gruan e tij. Kjo edhe për faktin se kanë munguar shumë fotot që e sjellin këtë moment të rëndësishëm të jetës të kësaj figure shumë dimensionale.
Prishtina ishte i martuar me një çerkeze. Emri i saj ishte Ikballe. Ata nuk patën fëmijë, ndërsa thuhet se e birësuan një vajzë shkodrane, të quajtur Sadaka, por e cila nuk pati fat të rritej në prehrin e Hasan Prishtinës. Po kështu edhe për vajzën e birësuar mungon dokumentacioni fotografik.
www.voal-online.ch
|