ARKIVAT AMERIKANE NXJERRIN FILMIME TË AHMET ZOGUT DHE SHQIPËRISË SË VITIT 1930
E Djelë, 11.16.2014, 09:13am (GMT+1)
 Arkivi i Qendrës së Historisë Hebraike në New York ka publikuar një video ku shfaqet Ahmet Zogu.
Fillimisht shihet një vizitë e ambasadorit amerikan të asaj kohe në Tiranë, Herman Bernstein, në qytetin e Krujës. Më pas ambasadori takohet për pak minuta me vetë Mbreti Zog I. Në vitin 1930 presidenti amerikan Hoover, caktoi Herman Bernstein, ambasador të Shteteve të Bashkuara në Shqipëri, një post që e mbajti deri në vitin 1933. Gjatë mandatit të tij, ai ka punuar në negocimin midis SHBA dhe Shqipërisë për ratifikimin e shumë traktateve, ku edhe kishte marrë një çmim nga Mbreti Zog për shërbimin e tij në Shqipëri, ai ishte shpërblyer me dekoratën "Urdhri i Skënderbeut".
Bernstein ka shkruar disa libra me vlerë, mes të cilëve "Celebrities of Our Time" një përmbledhje intervistash me krerë shtetesh dhe figura të tjera të njohura botërore. Ai njihet gjithashtu si mik i Ajnshtajnit dhe si njeriu që hodhi në gjyq për fyerje industrialistin e famshëm Henry Ford në vitin 1923.
Bersteini e fitoi gjyqin dhe gjykata i akordoi 200 mijë dollarë. Ai ka hartuar edhe një biografi në anglisht të Zogut, në bazë të pyetjeve që i dërgoi Mbretit dhe përgjigjeve që mori prej tij.www.voal-online.ch
|
Comments (0)
Dërgoja shokut
Printo
A.jpg "DOLI NË QARKULLIM LIBRI I RI POETIK I ELIDA BUÇPAPAJT \"RAPSODI E GOLGOTËS SË TRANZICIONIT\""){kind=icon}
