VOAL - Online Zëri i Shqiptarëve - A DO TË JETË I SUKSESSHËM KOALICIONI PDK-LDK?Vështrim nga SKËNDER MULLIQI

Shqiptarët kurrë nuk do ta harrojnë dhunën e kriminelit serb, Sllobodan Millosheviqit dhe paramilitarëve të tij të cilët, na rrahen, na vranë , na dhunuan, na masakruan dhe na qitën jashtë vendlindjes mbi 1 milion shqiptarë. Një ekzod biblik të përmasave të tilla bota nuk e ka parë që nga Lufta e Dytë Botërore. Kjo ishte etapa me e dhembshme e shqiptarëve pas kohës së Rankoviqit famëkeq i cili me mijëra shqiptarë i dëboi me dhunë nga Kosova për në Turqi e vende të tjera . Dallimi i këtyre dëbimeve masive të shqiptarëve nga trojet etnike ishte se racisti Alesandar Rankoviq e bëri në menyrë me përfide, kurse Millosheviqi e bëri këtë punë me luftë. Ekzodi i shqiptarëve pat tmerruar botën demokratike dhe i shtyri miqët tanë amerikanë bashkë me aleatet e vet që të intervenojnë ushtarakisht për ta ndalur kasapin e Ballkanit në synimin e tij makabër për çfarosjën e shqiptarëve. Serbia u ndoq më luftë nga Kosova dhe shqiptarët u kthyen në atdheun e tyre në menyrë mahnitëse, për ta rindërtuar vendin nga germadhat e luftës . Dhe, në vend që sicili vit që kaloi të sjellë përparime në secilën fushë të jetës , fatkeqësisht nuk ndodhi ashtu siq e kan pritur shumica . Shumica e popullates po jetojnë keq dhe kjo kastë politike pak dert e ka këtë punë. Këtë e dëshmuan më se miri zgjedhjet e fundit nacionale të cilat zgjatën për 6 muaj dhe tek tash u formua koalicioni PDK-LDK. Gjatë kësaj periudhe u shpërfaqën haptazi apetitet përsonale karshi interesit të përgjithshem. Ata të cilët që 15 vite kanë abuzuar më shtetin nuk kan së si të veprojnë ndryshe . Po jetojmë në një shoqëri me gadi krejt të pa punë, e që shumica veq tash janë bërë tepricë teknologjike . Gjithnjë po bëhët numri më i madh i atyre të cilët po e kërkojnë ndihmën mjekësore në të gjithë ambulancat dhe spitalët e Kosovës. Shumë kush po pret më radhë për tu shëruar ose operuar nga sëmundjet e rënda të cilët kanë lëshuar rrënjë si kurrë më parë. Dhe, bie pyetja pse? Sepse njerëzit të cilët për qdo minutë , orë dhe ditë mendojnë së si ta sigurojnë bukën e gojës ,po goditën pamesherishëm edhe nga sëmundjet të cilat nuk kan shërim . Kjo çka ka ndodhur më pasurinë shoqërore në Kosovë , nuk mund të ndodhë në asnjë vend demokratik të botës.U plaqkitë e u stërplaçkitë nga ata që i kishin në dorë këto punë .Nese na dëbuan nga vendi për 100 vite me radhë armiqët serbosllavë, tash po i nënshtrohemi dëbimit të dytë masovik .Emigrimi ilegal nga Kosova po bëhët haptazi, se këtij populli i ka ardhë thika të fyti nga pa perspektiva.Nuk është aspak mendim utopik, nese themi së Kosova shumë shpejt do të zbrazet dhe mos të mbesin krejt pak banorë. Deri me tash ndëgjuam gjithëfarë skenarësh për Kosovën e pasur dhe për Kosovën e varfër, por që askush deri me tash nuk bëri asgjë për zhvillimin e ekonomisë dhe mirëqenjes.Këta politikanët tanë nuk kan nevojë ti ikin familjët e tyre dhe ilakat sepse ua kan siguruar ekzistencen edhe për shumë gjenerata. Këta i "largojnë" fëmijët nga Kosova duke i dërguar për tu shkolluar në univerzitet me prestigjioze të Evropës.Nese për shumicën Kosova është bërë ferr, për elitën në pushtet është bërë parajsë e vërtetë.Ky kategorizim i madh i popullatës në të varfër dhe shumë të pasur është i pa durueshem. Edhe koalicioni i fundit nuk ka së si të premton shumë , kur dihen divergjencat e mëdha politike të thelluara tash e shumë kohë midis këtyre dy blloqeve politike.Me kryeminister Isa Mustafën as që do të presim rregullim të gjendjës së rëndë sociale ekonomike. Mustafa ka mentalitet të së kaluarës komuniste dhe nuk ka mundësi proceset ekonomike ti qojë përpara. Platformat e tilla të tipit komunist le ti ruan për vetën. Jeta është shumë e shkurtër që të pritet edhe 15 vite te tjera ose ndoshta edhe më shumë që të bëhët mirë...