Voal-online -Aktori Corey Haim (Korei Heim) vdiq nga pneumonia dhe nga problemet e zemrës. Dhe analizat e një autopsie në trupin e tij nuk gjetën "faktor vendimtar kontribues" nga drogat, tha dje zyra e klinikës së zemrës në Los Anxhelos.

Haim, një aktor kanadez yll i adhuruar i adoleshentëve në vitet 1980, i cili kishte folur haptas për luftën e tij me veset e drogave dhe të alkoolit, mbeti pa ndjenja në apartamentin e tij në Los Anxhelos dhe vdiq në spital më 10 mars. Ishte 38 vjeç.

Zyrtarët fillimisht menduan se vdekja e tij ka të bëjë me mbidozën e drogave. Zyrtarët e zbatimit të ligjit të Kalifornisë thanë se ai kishte blerë me recetë mjekësore më shumë se 550 doza kundër dhimbjeve dhe kundër anktheve në javët para vdekjes, çka dukej një blerje e madhe e paligjshme barnash.

Por zyra e klinikës së analizave në Los Anxhelos tha dje se Jaim vdiq në mënyrë natyrale nga një ndërthurje e pneumonisë, problemeve të zemrës dhe atyre të frymëmarrjes.

Ed Winter nga zyra e klinikës tha se nëna e gjeti aktorin pa ndjenja në mesnatë, pasi kishte manifestuar shenja si ato të gripit. Ai u konstatua i vdekur në spital një orë më vonë.

Haim ishte më së shumti i njohur për filmat e tillë të viteve 1980 si "Lucas" (Luka) dhe "The Llost Boys" (Djemtë e humbur). Ai gjithashtu punoi me mikun e tij, yllin e adoleshentëve Corey Feldman në serinë televizive amerikane "The two Coreys" në vitin 2007 dhe në vitin 2008.

(http://www.retuers.com)