Sot në të gjithë botën kremtohet Dita Ndërkombëtare e Kryqit të Kuq dhe Gjysmë Hënës së Kuqe.

“Kemi qenë me fat, pasi që Kosova fiton anëtarësimin në FMN kur roli i këtij institucioni në botë është rritur shumë”, thotë Mimoza Kusari Lila, drejtoreshë e Odës Ekonomike Amerikane në Prishtinë.

Kosova si shtet së pari do të ketë vizibilitet më të madh te 184 shtete anëtare të FMN-së, do të ketë qasje të drejtpërdrejtë te këto shtete, si dhe do të fitojë një qasje të drejtpërdrejtë në institucionin, i cili, përveç politikave, të cilat Kosova do të duhej t’i adaptojë për të qenë komfort këtij institucioni, do të fitojë edhe siguri dhe garanci për situata, me të cilat mund të ballafaqohet në të ardhmen, ashtu siç janë ballafaquar shtetet edhe shumë më të zhvilluara se Kosova.

Voal-online - Berlusconi: "Jam akuzuar për gjëra të paqena. E majta dhe shtypi i saj nuk arrijnë të pranojnë popullaritetin tim që është në masën 75%. Bëjnë vetëm sulme personale të bazuar në shpifje.” Nga salloni i Bruno Vespës ku spikatin të shkruara fjalët “Tani flas unë”, Kryeministri Silvio Berlusconi, iu përgjigjet ashpër sulmeve dhe akuzave, të cilat javën e fundit kanë pezmatuar mediat mbi raportet me bashkëshorten Veronica Lario. “Gruaja ime ka rënë në një grackë – buçet Kryeministri në mikrofonët e emisionit të famshëm Porta a Porta – edhe historia e velinave është një gënjeshtër abosulte, bëhet fjalë për gjëra të paqena". Pastaj përfundon kështu: “Gruan time e dua pa masë dhe më vjen keq që janë përfshirë në këtë gjë edhe fëmijët e mi.”

Voal-online – “E mbyll siparin e jetës sime bashkëshortore.” Pas pothuaj tridhjetë vitesh, u njohën më 1980 e u martuan me rit civil më 15 dhjetor 1990, rrugët e Kryeministrit dhe gruas së tij, të copëtuara tashmë në rrafshin sentimental e personale, ndahen edhe juridikisht.
Veronica Lario ka nisur praktikat për ndarje dhe divorc nga Silvio Berlusconi, duke i dhënë fund një rrjedhe të nisur shumë kohë më arë, siç e pranonte ajo vetë, në fund të verës së vitit 2008, kur rrëfeu se mundësinë e një ndarjeje po shqyrtonte prej dhjetë vjetësh. Tani ka zgjedhur avokaten që do ta ndjekë hap pas hapi para gjykatësve: "Më në fund një njeri të cilit mund t’i besoj tërësisht.” Është një grua. Një profesioniste larg star system e nga politika. Është dëgjuar në telefon më një maj, avokatja ishte me pushime në një ishull në Jug të Italisë. Ka qenë e para bisedë e tyre për ndarjen. Veronica ia ka shpjeguar: "Dua ta mbyll siparin, por dua ta bëj si njeri i thjeshtë e i mirë, pa bujë. Do të doja të shmang përplasjen.”

NGA VENDI

1765 - Vdiq studiuesi i shquar arbëresh Pal Maria Parrino nga Palaco Adriano e Palermos. Ka qenë rektor i Seminarit Shqiptar të Palermos. Ai njihet si autor i një vepre prej 600 faqesh të mbetur në dorëshkrim, ku në 12 kapituj argumenton shkencërisht, duke u mbështetur mbi fakte gjuhësore dhe historike, identitetin e shqiptarëve dhe prejardhjen e tyre ilire.

1878 - U lind gjeologu, paleontologu dhe etnografi hungarez Franc Nopça. Nga viti 1903 e deri më 1922 ai pat ardhur disa herë në Shqipëri, duke kryer studime të rëndësishme gjeologjike të Shqipërisë së Veriut. Ai hodhi bazat e statigrafisë dhe të ndarjes tektonike të saj dhe botoi disa studime me vlerë gjeologjike për Alpet e Shqipërisë Veriore, që përmban edhe hartat e para gjeologjike të Shqipërisë Veriore. Gjatë udhëtimeve të tij, Franc Nopça mblodhi edhe materiale të shumta etnografike. Rezultatet e studimeve në këtë fushë i botoi në disa artikuj si dhe në monografinë “Shqipëria-ndërtime, veshje, enë e orendi”, që doli në Lejpcig në vitin 1925.

NGA VENDI

1391 - Në vendimin e Senatit të Venedikut thuhet se po të merret vesh vdekja e Gjergj Topisë, që zotëronte Durrësin, forcat e Republikës duhej të pushtonin qytetin dhe kështjellën e tij në mënyrë që ato mos të binin në duart e turqve. Rënia e Durrësit në dorë të osmanëve, thuhet në vendim, dëmton rëndë lundrimin dhe tregtinë e Venedikut. 1504 - Humanisti shqiptar, Marin Barleti, botoi në Venedik veprën “Rrethimi i Shkodrës” mbi luftën heroike të banorëve të këtij qyteti kundër pushtuesve turq gjatë viteve 1474-1478, ku mori pjesë vetë Marin Barleti.