VOAL - Online Zëri i Shqiptarëve - DY POEZI NGA ERNEST HEMINGUEJIPërktheu: FASLLI HALITI

ME PËLQEJNË AMERIKANËT

prej një të huaji

Më pëlqejnë amerikanët
Ndryshojnë mjaft nga kanadezët,
Nuk i marrin seriozisht policët e tyre
Vijnë në Montreal për të pirë
Jo për të kritikuar.
Thonë që kanë fituar luftën.
Por brenda vetes e dinë që kjo s'është e vërtetë.
Kanë një farë respekti për anglezët
Duan të jetojnë jashtë.
Nuk mburren me burgjet që bëjnë.
Por i shlyejnë.
Kanë dhëmbë mjaft të fortë.
Dhe mbajnë fanella të holla gjithë vitin.
Vetëm do doja të mos mburreshin me to.
Zënë vendin e dytë me flotën në botë.
Por s'flasin kurrë për të.
Do donin Henri Fordin si president.
Por s'kanë për ta zgjedhur.
E kanë kuptuar lojën e Billi Brajnit.
Me Bill Sundajin janë mërzitur.
Njerëzit i qethin flokët në mënyrë mjaft qesharake.
Është e vështirë t'i mbledhësh në Evropë.
Kanë qenë dikur atje.
Kanë krijuar Barnei Guglën, Matt e Xhefin.
Dhe Xhigs.
Nuk i varin vrasëset.
I fusin në vodëvil.
Lexojnë Saturdein Evening Post.
Dhe besojnë në Babo Natale.
Kur bëjnë lekë.
Bëjnë një thes.
Janë njerëz të zotë.

Rreth 1923

MË PËLQEJNË KANADEZET

nga një i huaj

Më pëlqejnë kanadezët.
Janë kaq të ndryshëm nga amerikanët.
Në mbrëmje kthehen në shtëpi.
Cigaret e tyre nuk bien erë.
Kapelat e tyre kanë madhësi të arsyeshme.
Besojnë vërtet që kanë fituar luftën
Nuk besojnë në Letërsi.
Mendojnë se me artin është tepruar.
Por janë fantastikë në patinazhin mbi akull.
Pak prej tyre janë shumë të pasur.
Por kur janë të pasur blejnë më shumë kuaj
Se automobila.
Çikago i jep Torontos ca qytet puritan.
Por hipia dhe boksi janë ilegalë
Në Çikago.
Të dielën s'punon asnjë.
Asnjë.
Kjo s'më mërzit aspak.
Ka vetëm një Uotbin.
Por a keni qenë vallë në Blu Bonets?
Nëse në Ontario vret dikë me makinë,
E kanë të lehtë të të fusin në burg.
Prandaj të gjithë janë tepër të kujdesshëm.
Janë mbi 500 viktima te incidenteve
Automobilistike
Në Çikago.
Këtë vit
Është e vështirë të pasurohesh në Kanada.
Por është e lehtë të bësh para.
Ka shumë salla për çaj.
Por nuk ka kabare.
Nëse i jep kamerierit një çerek dollari bakshish
Të thotë "Faleminderit".
Në vend që të thërrasë rojën.
Në tram s'ua lëshojnë vendin zonjave
Edhe po të jenë të bukura.
Nxitojnë shumë të gjithë që të kthehen për darkë në shtëpi
Dhe për të dëgjuar radion.
Janë njerëz të zotë.
Më pëlqejnë.

Rreth 1923