VETËM ZOGJTË SHPËTUAN Haiku nga ADEM ZAPLLUZHA
E Mërkurë, 07.09.2014, 03:19pm (GMT+1)
Vetëm zogjtë shpëtuan në atë aksident ishte fatkeqësi komunikacioni. ***
Asnjë peshk fluturues nuk mbeti te brigjet, protestojnë tasat e konservave.
***
Nëse nuk më dashuron, përherë dikush tjetër pret me krah të hapura.
***
Eca njëqind vjet deri te ëndrra ime. rruga ishte e gjatë..!
***
Desh vdiq nga etja pranë gotës me ujë ju than buzët.
***
Të pash te kolonadat portreti yt, qeshte me hijen.
***
Mbretëresha abdikoi pas lojës së hijeve, u fundosën kalatë.
***
Pa uji mbetën ushtarët në prapavijë, si gjethet fishken oficerët.
***
Pareshtur binte shi binin edhe yjet, në pjesët e ekzistencës.
***
Varri im sa larg kryqi yt?! Epitafet çelin lule mimoze.
***
Gjethet thërrasin etjen, nga zëri i lules pikon vesa e vonuar.
***
Kur pushuan të reshurat zambakët e Prizrenit, u fishkën nga etja.
***
Sa qenka vështirë të jesh lule, çdo kush i afron hundët.
***
Nga kujtesa e lules zbritën zogjtë. Pranvera mbeti lakuriqe .
***
Mos e moho ekzistencën e luleve... Kopsht im ëndërron pranverën.
***
Mos mendoni për dimër, në gjumin e pasteleve flenë fluturat.
***
Sa herë çelin mimozat aromat e ftonjve kanë një tjetër shije.
***
Kjo lule, nuk paska asnjë emër përpos aromës së saj.
***
Sonte është vonë nesër do mbjelli lule, në shuplakat e erës. ***
Mos më prit te aroma e trëndafilit, është shtrati im.
ADEM ZAPLLUZHA
|