POEZI LIRIKE Cikël nga PËRPARIM HYSI
E Mërkurë, 03.11.2015, 10:07pm (GMT+1)
"Flutura"
Se ç'është një "flutur" që më sillet përqark Dhe sytë e mi, sakaq dhe përpëliten Nuk e sheh kjo "flutur" që unë jam plak Dhe nuk kam moshë që tani të "mahitem?!"
Kjo "flutur" më ngjan me një "hajdute" Që tinëzisht vjen e më rri përbri A mund që ta mbaj unë,tani, mbi supe Një "marre" që mund ta bëja në të ri?
Dhe sikur i them dheut: hapu që të futem! Se "flutura" më fton në "dyluftim" Bëj sikur nuk shoh a si buf dukem Ah, se ç'të gjeti, more Përparim?!
Si shkumë më duket... rrëshqet nëpër duar Kështu e mendoj, tek heq vite nga supe Dhe,sado që tani jam goxha i moshuar, E zë "fluturën",se nuk duroj të më kapë prej "hunde"
Them...
Ta harroj..., them: shkoi e vajti Nuk kam shpresë më ta takoj Dashuria... ja: kaq mbajti. Do bëj mirë që ta harroj.
Se me moshë qe më e re Unë po hyj si dok në ujë Dhe sado mbushur me "pse?" Dënoj veten dhe nuk dua bujë.
Shkoi mjaft kohë... thashë:-Shkoi e vajti Si mes nesh asgjë s'ka patur. Pa pandyer, erdh mesazhi Një mesazh... çdo gjë ka zbardhur.
Zë lexoj unë nëpër rreshta U jap fjalëve të tjerë vlera Në për ty, mike, është vjersha, Pse m'u duk që erdh pranvera?!
Ti
Ti duke e zhduke në jetën time si një "xhind" Dhe më fal vetëtima të shkurtëra lumturie Sa kohë kalon,aq më shumë më bind Që mos "çlirohem" nga ty, o peng dashurie.
Flokët e dalldisur i shoh tek tund era Nga sytë e zesë sikur lëshon vezullime Sado, kjo që shkruaj, ka ndodhur kahera Nuk shpëtoj dot, nga ca ngashërime.
Vinë ca ngazëllime prej adoleshenti Tek shoh që bluza e hapur, tregon gjirin Epo, ende jam gjallë... ende më kap shendi Dhe ca më keq e kam me syrin.
Sy syri zë e "kullot" pa kufi Dhe bredh si një kalë hergjele E di mirë: më nuk jam i ri. Po dhe në pleqëri nuk shpëton nga ca "gajle"
E dikurshme
Një femër e bukur me trup lakuriq Aq më bëri turbull,sa u vushë në kryq Qe një vajzë çapkëne,plot teka e naze Aq ajo ma kënde,sa të merrja saze
Ngul sytë i menduar,sikur e "studjoj" Aq jam mrekulluar,sa, gati, çartoj E shoh si përndizet nga shikimi im Çdo gjë açik shihet ( vdis, mor Përparim!!!)
Zemra bëhet flutur; s'di nga fluturon Ah, sa është e bukur! Zemër, si duron? Feks bota për rreth, mu në këmbët e saj O çast më "rrënqeth" dhe s'e kam kollaj
Në jam pak poet dhe në shkruaj ca vjersha Nuk e kam të lehtë, ndaj dhe nuk heshta Se vajza e bukur që dikur njoha Nodh që më bën turbull dhe më fillon "oha"
Tiranë, 10 mars 2015
PËRPARIM HYSI
|