VOAL - Online Zëri i Shqiptarëve - Masakër në Hsiniang, së paku 140 viktima

Voal-online Ishte një masakër, hollësitë e së cilës nuk janë ende të qarta. Në dhunën e djeshme në Urumqi, në rajonin Xinjiang 140 veta kanë humbur jetën dhe më shumë se 800 kanë mbetur të plagosur. Janë bërë me qindra arrestime. Këtë e kanë deklaruar shtypi vendës dhe drejtuesit e Partisë Komuniste Kineze, duke nënvizuar se bëhej fjalë për një revoltë të përpjesëtimeve të mëdha.

Burimet kanë shtuar se bilanci i viktimave të rritet. Në fotot e në filmatet e shfaqura në internet prej natës së mbrëmshme, kur ka dalë lajmi i incidenteve, shihen civilë të përgjakur e të plagosur, por asgjë që mund të lejonte të kuptoheshin përmasat e dhunës. Grupet e kryengritësve ujgurë, të cilët kanë kontakte me popullsinë e Xinjiang, kanë denoncuar represionin, duke pohuar se policia kineze kishte hapur zjarr mbi një manifestim paqësor, por janë kufizuar të flasin për një "numër të pasaktësuar" viktimash.

Në publikimet e para, agjencia Kina e Re nuk qartëson etninë e viktimave, nga të cilët, siç ishte thënë më parë, mund të ishte një pjesëtar i policisë popullore. Incidentet kanë shpërthyer nga një manifestim proteste për vrasjen e dy ujgurëve më 26 qershor në jug të Kinës në një përleshje midis punëtorëve kinezë e ujgurë, ku dy të rinj të pakicës myslimane kanë mbetur të vrarë.

Urumqi, një qytet me 2,3 milionë banorë, tri mijë kilometra larg Pekinit, është kryeqytet i Rajonit Autonom të Xinjiang. Ujgurët, turq myslimanë, janë banorë vendës të rajonit, të cilin e thërrasin Turkistani Lindor. Sot ujgurët përbëjnë rreth gjysmën e 20 milionë banorëve të Xinjiang, në pjesën më të madhe emigruar nga zona të tjera të Kinës.