Bosnjë: Arratiset i dyshuari për lidhje me terroristët
E Shtunë, 08.01.2009, 09:45am (GMT+1)
Policia e misionit të Bashkimit Evropian në Bosnjë tha se arratisja e një të burgosuri, i cili dyshohet të ketë lidhje me terroristët, dëshmon se sistemi i burgjeve të këtij shteti është i dobët dhe ka nevojë për reforma, njofton agjencia e lajmeve AP.
Tuniziani, Karaj Kamel bin Ali, nuk është kthyer nga pushimi 25 ditor, i cili i ishte lejuar për shkak të sjelles së mirë, pasi i burgosuri kaloi gjysmën e dënimit prej 46 muajsh.
Misioni evropian tha se agjencitë për forcimin e sundimit të ligjit i kishin paralajmëruar autoritetet e burgjeve se i burgosuri do të mund të arratisej, por paralajmërimi u bë pasi Kamel bin Ali kishte shkuar në pushim.
Autoritetet e burgjeve, ndërkaq, akuzuan autoritetet shtetërore se kanë dështuar të njoftojnë se i burgosuri ishte shpallur kërcënim për siguri kombëtare për shkak të dyshimeve për lidhjet ndërkombëtare të terrorizmit.
www.voal-online.ch
|