Çështja ujgure krijon përplasje japono-kineze
E Mërkurë, 07.29.2009, 02:19pm (GMT+1)
Voal-online -Kina ka thirrur ambasadorin japonez në Pekin për të shprehur shqetësimin ndaj vizitës në Tokio të disidentes ujgure në mërgim Rebiya Kadeer. Këto ditë ambasadori kinez në Tokio, Cui Tiankai, kishte shprehur "pakënaqësi të fortë" të Pekinit për këtë vizitë. Kadeer është akuzuar nga Pekini se po ngjall çrregullime ndëretnike të cilat muajin e shkuar kanë kushtuar jetën e qindra vetave.
Gjatë qëndrimit në Tokio, liderja ujgure Rebiya Kadeer, ka thënë se "rreth 10 000 janë zhdukur në një natë në Urumqi''. Njerëzit për të cilët flet Kadeer, duket se janë zhdukur në rrjedhën e ndeshjeve ndëretnike në fillim të korrikut midis ujgurëve dhe kinezëve në kryeqendrën e rajonit Hsiniang. "Ku kanë përfunduar. Nëse kanë vdekur, ku gjenden'', ka shtruar pyetjen disidentja gjatë një konference shtypi në Tokio.
www.voal-online.ch
|