Irani ka liruar me kusht një asistente të gjuhës frënge, e cila ishte akuzuar për përfshirje në protestat që pasuan zgjedhjet e diskutuara të qershorit.
Arrestimi i Clotilde Reiss, së bashku me punonjës iranianë të ambasadave franceze dhe britanike në Teheran, solli protesat diplomatike nga Bashkimi Evropian.
Një deklaratë e presidencës franceze bëri të ditur se zonja Reiss ishte në gjendje të mirë shëndetësore.
Babai i saj Remi, shprehu kënaqësinë për lajmin.
"Jam shumë i lumtur dhe mjaft euforik sepse është fundi, sepse është një hap i rëndësishëm i parë, është fundi i një muaji e gjysëm."
"Ne nuk e dinim ku ishim, është një moment shumë i rëndësishëm. Hapi i rradhës është kthimi në Francë dhe kjo do të ndodh në javët e ardhshme, tha Remi Reiss.
Clotilde Reiss doli para një gjykata iraniane më 8 gusht.
Ajo u arrestua më 1 korrik pasi mori pjesë në protesta masive të pas zgjedhjeve presidenciale.
Qindra vetë u ndaluan në protestat e dhunshme që morën shkas nga zgjedhjet e diskutuara.
Comments (0)
Dërgoja shokut
Printo
