DRESDEN - PROTESTA MASIVE KUNDËR RACIZMIT
E Shtunë, 01.10.2015, 05:47pm (GMT+1)
 Dhjetëra mijëra njerëz kanë protestuar në qytetin lindor të Gjermanisë, Dresden, kundër racizimit dhe për një shoqëri të hapur.
Protestat e sotme vijnë si reagim ndaj demonstratave javore anti-islamike, që janë duke u mbajtur për muaj me radhë në Dresden.
Ato organizohen nga një grup që e quan veten Evropianët Patriotë kundër Islamizimit të Perëndimit, ose Pegida.
Këto protesta i kanë ndjekur deri në 18,000 njerëz, por tubimi i sotëm rival ka mbledhur dyfishin e njerëzve.
Agjencia gjermane e lajmeve DPA ka cituar kryetaren e Dresdenit, Helma Orosz, t'u ketë thënë protestuesve se qyteti "nuk do të ndahet nga urrejtja".
Më herët, kancelarja gjermane, Angela Merkel, u ka bërë thirrje qytetarëve që të mos marrin pjesë në tubimet e Pegidas.relwww.voal-online.ch
|
Comments (0)
Dërgoja shokut
Printo
