FRANCË - INTERESIM REKORD PËR REVISTËN CHARLIE HEBDO - BOTA MYSLIMANE QORTON KARIKATURAT - PERËNDIMI BASHKË KUNDËR TERRORIZMIT
E Mërkurë, 01.14.2015, 09:11pm (GMT+1)
Radhë të gjata njerëzish janë formuar sot nëpër qytetet e Francës, për të blerë numrin e ri të revistës Charlie Hebdo.
Ky është numri i parë prejse selia e revistës është sulmuar javën e kaluar nga militantët islamikë.
Ballina tregon profetin Muhammad duke qarë dhe duke mbajtur një tabelëz që lexon: Unë jam Charlie.
Edhe pse janë publikuar mbi tre milionë kopje, shumë më shumë se nga tirazhi i zakonshëm prej 60,000 kopjesh, shumë konsumatorë nuk kanë arritur të blejnë revistën.
"Jam zgjuar herët vetëm për të blerë një kopje të Charlie Hebdo. Nuk kam arritur, jam i zhgënjyer, do të marr makinën dhe do të shoh në vende të tjera", ka thënë një qytetar i Parisit me emrin Mustapha Korachi.
Numri i parë i të përjavshmes "Charlie Hebdo" që prej
atentatit që përgjaku redaksinë e saj një javë më parë në orën 07:00 GMT
ishte e pamundur të gjendej në një numër të madh kioskash në Francë,
theksuan gazetarët.
"Nuk ka më", përsërisnin njëri pas tjetrit shitësit parisian duke ngjallur një dëshpërim të fortë të klientëve.
Disa
prej tyre i janë rikthyer të përjavshmes më të madhe satirike në Francë
"Canard Enchaîné", që titullonte sot artikullin e saj në shenjë
solidariteti me Charlie Hebdo: "Përpara djema, ne nuk do t'iu lëmë të
dekurajoheni".
|