MEDIAT FRANCEZE - VETËVRITET KRYEHETUESI I MASAKRËS SË PARISIT
E Hënë, 01.12.2015, 11:15am (GMT+1)
 PARIS - Inspektori i ngarkuar me hetimin e masakrës në revistën Charlie Hebdo, Helric Fredou, ka kryer vetëvrasje. Ngjarja ndodhi në zyrën e tij në Limoges, pak pas takimit që Fredou kishte me familjen e një prej viktimave. Sipas informatave paraprake, Fredou bëri vetëvrasje para se të shkruante një raport rreth asaj se çfarë familja e një prej viktimave i rrëfeu atij rreth tragjedisë. Karrierën e tij në polici e filloi në vitin 1997 në Versajë, pastaj u kthye në Limoges, ku që nga viti 2012 shërbeu si zëvendës drejtor i policisë rajonale. Mediat franceze thonë se inspektori 45-vjeçari kishte probleme me depresionin, ndërsa policia njoftoi se zyrtarët plotësisht janë tronditur dhe se askush nuk e ka pritur një ngjarje të tillë. Fredou është dashur që të udhëheqë hetimet e sulmit ndaj personelit të redaksisë së gazetës satirike Charlie Hebdo, i cili ndodhi më 7 janar, në të cilin u vranë 12 persona.www.voal-online.ch
|
Comments (0)
Dërgoja shokut
Printo
