Stamboll, 9 shtator - Guvernatori i Stambollit tha se shifra e të vdekurve nga vërshimet në qytet është ngritur në 20.

Muamer Gyler tha se më shumë se 20 njerëz janë lënduar nga vërshimet, që morën një pjesë të qytetit. Gyler tha se shiu i madh pritet të vazhdojë gjatë javës, por insistoi se autoritetet po ndërmarrin masat e nevojshme.

Të reshurat e shumta të martën kanë shkaktuar vërshimet në veriperëndim të Turqisë. Ka pasur raporte për dëme të mëdha të shtëpive dhe infrastrukturës, rrugëve dhe autostradave.

Çfarë do të mendonin për Amerikën e sotme Weber ose Tocqueville? Në vendin e suksesit ata do të gjenin një vend borxhlinjsh, që vuajnë nën peshën e kredive të marra me pretendime false. Në vendin e një akumulimi të qëndrueshëm dhe me durim të pasurisë, ata do të gjejnë bankierë dhe financierë me një perspektivë aq të shkurtër, saqë nuk marrin frymë të mendojnë pasojat ose rrezikun e shitjes së siguracioneve që nuk i kuptojnë.

Presidenti Barak Obama shënoi dje Ditën e Punës duke i thënë bashkimit të sindikatave të punëtorëve se një lëvizje e fortë punëtore është pjesë e një ekonomie të fortë.

Presidenti mbajti dje një fjalim për Federatën Amerikane të sindikatave gjatë një pikniku në shetin Ohio.

Presidenti Obama tha se administrat e tij ka punuar për të siguruar që klasa e mesme të jetë shtylla e ekonomisë dhe jo një ideal i zbehtë për t'u festuar çdo vit.

Presidenti gjithashtu bëri thirrje për mbështetje për reformën e sistemit të kujdesit shëndetësor, duke thënë se ai do t’a trajtojë më gjërë këtë çështje nesër kur të flasë në sesionin e përbashkët tëë të dy dhomave të Kongresit.

70 vjet pas fillimit të Luftës së Dytë Botërore, Polonia mbetet sërish e vetmuar. Kjo na lëndon dhe na pikëllon. Duhet të mendojmë pse është kështu. Do të ishte lehtë që për këtë të fajësohen të tjerët. Një pjesë të madhe të përgjegjësisë për këtë e bartim vetë.

Por, të shkojmë me radhë: SHBA-ja gjatë ditëve të kaluara ka bërë të qartë se nuk e merr seriozisht aleancën e vet me Poloninë. Kjo po kristalizohet gjithnjë e më shumë, pas tranzicionit të pushtetit në Shtëpinë e Bardhë. George Bush dhe këshilltarët e tij nuk kishin kurrfarë iluzionesh për Rusinë. Atyre u konvenonte aleanca e ngushtë me Evropën Lindore dhe Poloninë. Për këtë arsye u hartua plani për të stacionuar elemente të mburojës anti-raketore në Poloni, për këtë arsye u ndërmorën përpjekjet për ta modernizuar edhe më shumë ushtrinë polake dhe për këtë arsye u ndërmorën edhe hapat për përfshirjen e Polonisë në konfliktet globale, si në Irak dhe Afganistan.
Por, pas ndërrimit të pushtetit, Washingtoni iu kthye politikës nga koha e Franlin Delano Rooseveltit. Motoja e kësaj politike: “Të flasim me Rusinë, ne duhet t’i besojmë Rusisë, Moska ka qëllime të mira, ariu duhet të zbutet”.

Çmimi të cilin Obama po e paguan për mbështetjen e Rusisë në luftën kundër terrorizmit dhe reduktimin e arsenalit bërthamor, është Evropa Lindore, e me këtë edhe Polonia. Për këtë arsye, Obama nuk dërgoi askënd në ceremoninë e zhvilluar në Poloni. Kështu, ai dëshiron ta bëjë të besueshme politikën e tij ndaj Rusisë.
Edhe marrëdhëniet e Polonisë me shtetet e tjera në Evropë janë të ngjashme. Britanikët nuk kanë më fuqi për të siguruar vendosjen e baraspeshës globale, apo së paku të asaj evropiane. Ata më nuk janë fuqi botërore, siç kanë qenë në luftën e kaluar. E vetmja gjë e arsyeshme që kanë bërë është hapja e tregut të punës për polakët.

Televizioni shtetëror iranian “Press TV” njoftoi se Irani ka zhvilluar një sistem interceptorësh për t’i goditur raketat ”e padukshme” kryqëzore.

Gjenerali Ahmad Mikani, komandant i forcave ajrore të Iranit, tha se “ushtria është në gjendje t’i detektojë raketat e padukshme dhe t’i shkatërrojë”.

Raketat kryeqëzore “të padukshme” janë ndërtuar që të fluturojnë ulët deri te caqet e tyre, duke i shmangur radarët.

Kohët e fundit, kryekomandanti ushtarak amerikan në Irak tha se për një kohë të kufizuar synon të dërgojë trupa amerikane në një territor të kontestuar në Irakun verior, që të ulen tensionet në rritje mes forcave irakiane të sigurimit dhe milicisë kurde. Gjenerali Ray Odierno tha se objektivi është që të vendoset një farë besimi mes dy palëve dhe të mbudhet boshllëku mes kurdëve dhe arabëve.

Organizata Botërore e Shëndetësisë: Në mbarë botën mungojnë aktualisht rreth katër milionë mjekë dhe infermierë. Në vendet e perëndimore kjo mungesë zbutet duke joshur dhe punësuar mjekë nga vendet në zhvillim. Përparimet në mjeksi dhe nevoja për trajtime gjithnjë e më të mëdha në një shoqëri e cila po vjetrohet në moshë, kanë bërë që të shtohen edhe kostot e trajtimit mjekësor në vendet industriale. Në anën tjetër, shumë vende janë të detyruara që për shkak të krizës ekonomike të kursejnë edhe në trajtimet mjekësore, që rezulton me faktin se profesioni i mjekut po bëhet një prej profesioneve më pak tërheqëse. Pasoja e gjithë kësaj është mungesa e mjekëve dhe trajtimi më i keq i pacientëve, jo vetëm në vendet e industrializuara por edhe ato më të varfëra.