Sipas një gazete amerikane, ish nënpresidenti Dik Çeni beson se presidenti Xhorxh W. Bush, u mbështet më pak tek këshillat e tij gjatë mandatit të dytë dhe u përpoq të mbajë një qëndrim më afër publikut. Gazeta Uashington Post thotë se zoti Çeni, i cili është përshkruar si nënpresidenti më i fuqishëm amerikan, ka thënë se shumë nga sekretet e atëhershme tashmë janë bërë të njohura.

Gazeta citon biografin e tij Stivën Hejs, që thotë se zoti Çeni ka ndjenja të forta për ato që kanë ndodhur në administratën e presidentit Bush dhe se nuk sheh ndonjë arsye që të mos i shprehë këto pikëpamje drejtpërdrejt. Gazeta citon një pjesëmarrës në një nga diskutimet për librin me zotin Çeni, i cili thotë se ish nënpresidenti ka përshtypjen se zoti Bush i ishte larguar atij gjatë mandatit të dytë.

Një gjykatë gjermane arriti në përfundimin se përdorimi i parrullave naziste ndalohet vetëm nëse ato janë të shkruara në gjermanisht.

Gjykata Federale e Drejtësisë në Karlsruhe e përmbysi vendimin e një gjykate të shkallës më të ulët e cila kishte gjobitur me 6,000 dollarë një organizatë ultra-nacionaliste sepse posedonte 100 këmisha me parrullën "Blood and Honor" “Gjak dhe Nder” të shkruar në anglisht. Kjo parrullë është përkthim i motos gjermane "Blut und Ehre," e organizatës së ndaluar Rinia Naziste.

Në Gjemani është i ndaluar demonstrimi i parrullave naziste por gjykata arriti në përfundimin se përdorimi i fjalëve në anglisht përfaqëson një ndryshim thelbësor dhe nuk mbulohet nga ligji kundër nazizmit.

Diplomati i lartë amerikan Filip Gordon, nesër do të bëhet zyrtari më i lartë i Shtetev e të Bashkuara që do të vizitojë Bellorusinë.

Gjatë vizitës një ditore, Ndihmës Sekretari për Çështjet Evropiane dhe Euroaziatike do të takohet me zyrtarët e qeverisë dhe liderët e opozitës.

Para vizitës, Gordon tha se Bellorusia duhet të lejojë më shumë liri për aktivistët e opozitës, mediat dhe grupet joqeveritare, nëqoftëse dëshiron që të hiqen sanksionet amerikane.

SHBA dhe BE një kohë të gjatë e akuzojnë presidentin Aleksandr Lukashenka për burgosjen e kundërshtarëve të tij, ngulfatjen e mediave dhe kurdisjen e zgjedhjeve për rizgjedhjen e tretë të tij.

 Burgosja e një qytetareje me nënshtetësi maqedonase-bullgare tensionon marrëdhëniet politike mes Shkupit dhe Sofies. Mosrespektimi i te drejtave të pakicës bullgare në Maqedoni mund të sjellë veto bullgare për Maqedoninë

Në përcjelljen e saj të gjithë familjarët dhe dhëndërri Schwarzeneger

Një goditje e fuqishme tërmeti me manjitudë 7.7 ballë të shkallës Rihter, ka tronditur ishujt Andamane përgjatë brigjeve të Indisë.

Qendra e lëkundjes sizmike në Paqësor ka shkaktuar panik për cunami në Indi, Indonezi, Tajlandë, Birmani dhe Bangladesh.

Më herët, e njëjta lëkundje u regjistrua edhe në Japoni ndërsa epiqendra e saj ishte Tokio. 

Ishujt Andamane u goditën fuqishëm nga cunami i tmerrshëm i 26 dhjetorit të vitit të vitit 2004.

Sipas shërbimit gjeologjik amerikan, epiqendra e lëkundjes u regjistrua 263 km në veri të vendit të quajtur Port Belir në ishujt Andamane në një thellësi prej 33 km.

Familja e gazetares së vrarë ruse Ana Politkovskaja, kritike e Kremlinit, thotë se hetimi ndaj vrasjes së saj është shndërruar në “farsë”, duke theksuar mospërkushtimin e qeverisë për zgjidhjen e krimit.

Uashingtoni nuk do të presë gjatë përgjigjen e Teheranit

Sekretarja amerikane e Shtetit, Hillari Klinton, ka thënë se Shtetet e Bashkuara nuk kanë asnjë iluzion se Irani do të kthehet në bisedime për programin e tij bërthamor dhe, sipas saj, Uashingtoni nuk do të presë gjatë përgjigjen e Teheranit.

Klinton dhe këshilltari i sigurisë kombëtare, Xhejms Xhons, kanë thënë se Uashingtoni ka pak zgjidhje për të arritur marrëveshje me Qeverinë e presidentit iranian, Mahmud Ahmedinexhad.

Sekretarja Klinton tha se Shtetet e Bashkuara do t’i rivlerësojnë përpjekjet për të joshur Iranin, në mënyrë që të kthehet në tryezën e bisedimeve në shtator.