Organizata Botërore e Shëndetësisë alarm për virusin e gripit vdekjeprurës të derrave
E Shtunë, 04.25.2009, 11:36am (GMT+1)
Organizata Botërore e Shëndetësisë (OBSH) do të mblidhet sot pasdite në një mbledhje urgjente për të diskutuar lidhur me situatën e krijuar pas rasteve fatale të infektuara me virusin vdekjeprurës të gripit të derrave në Meksikë dhe vende të tjera gjatë ditëve të fundit. "Drejtoresha e Përgjithshme e OBSH-së, Margareth Chan do të mbledhë komitetin e emergjencave me ekspertë të pavarur. Konferenca urgjente do të zhvillohet virtualisht, pasi ekspertët aktualisht ndodhen në vende të ndryshme të botës", deklaroi zëdhënësi i drejtoreshës Aphaluck Bhatiasevi. Të paktën 68 persona kanë humbur jetën në Meksikë dhe të paktën tetë të tjerë janë infektuar nga një virus i panjohur më parë i gripit të derrave, që është një kombinim i pazakontë i viruseve të gripit të kafshëve, shpendëve dhe njeriut.
|
Comments (0)
Dërgoja shokut
Printo
