Voal-online 22 MAJ - Humbja e jetëve të njoma në tragjedinë e 21 majit është një dhimbje e pangushëllim, një pikëllim i paskaj.

Voal merr pjesë në dhimbjen dhe pikëllimin e familjeve, të afërmve, miqve të viktimave të tragjedisë së Himarës, merr pjesë në dhimbjen dhe pikëllimin që ndjejnë të gjithë shqiptarët për këtë humbje kaq të rëndë.

Duke shprehur ngushëllimet tona i lutemi Zotit që shpirtrat e viktimave të tragjedisë të prehen në paqen e perjetshme, i lutemi Zotit që ne shqiptarëve të na ketë në dorën e tij gjithmonë, të jemi në besën e tij gjithmonë, të kemi bekimin e tij gjithmonë dhe kalendarët të mos kenë kurrë data të tilla tragjike.