GJENDJA SHËNDETËSORE E KOMPOZITORIT SHPËTIM SARAÇI DREJT SHËRIMIT TË PLOTË
E Enjte, 09.05.2013, 04:01pm (GMT+1)
TIRANË - Kompozitori Shpëtim Saraçi rimerr veten dhe mjekët shprehen optimistë. Këtë lajm na e jep këngëtari dhe kantautori Sidrit Bejleri, mik i kompozitorit të njohur Shpëtim Saraci. Në rrjetin social "Facebook", Bejleri njofton fansat për gjendjen shëndetësore të mikut të tij duke falënderuar për interesin e treguar ndaj artistit.
"Mirëdita! Në lidhje me shëndetin e mikut të të gjithëve, Shpëtim Saraçi: Gjendja është shumë më e mirë dhe mjekët janë shprehur shumë optimistë për rikuperimin e plotë të mjeshtrit. Faleminderit të gjithëve për lutjet dhe interesimin! Falenderimi i takon Zotit të gjithësisë!!!
Pas disa ditësh kurim në qendrën spitalore "˜Nënë Tereza", kompozitori që është diagnostikuar me Ishemi Cerebrale u nis për kurim jashtë vendit, në Gjermani.
Në mes të gushtit, kompozitori i njohur Shpëtim Saraçi ka qenë i shtruar pranë Shërbimit të Neurologjisë, në Qendrën Spitalore Universitare "Nënë Tereza".
Mjekët pohuan se Saraçi ka pësuar një ishemi dhe se gjendja e tij shëndetësore është përmirësuar.
Shpëtim Saraçi është një nga kompozitorët më të njohur në vend. Kompozimet e tij mbajnë firmën e disa hiteve më të njohura pas viteve '90-të, kënduar nga emrat më të mirë të muzikës shqiptare. Vitet e fundit ai ka qenë drejtor artistik i Festivalit të Këngës në Radio Televizionin Shqiptar. Ndërkohë që në 2010-ën, kënga e kompozuar dhe orkestruar prej tij, "Kënga ime", e kënduar nga Aurela Gaçe, prezantoi Shqipërinë në "Eurosong".
Ai është i martuar me këngëtaren Mira Konçi dhe nga martesa e tyre kanë lindur dy fëmijëwww.voal-online.ch
|
Comments (0)
Dërgoja shokut
Printo
