BILL KLINTON: KOSOVA SHEMBULL. JAM KRENAR PËR JU! E Djelë, 11.01.2009, 03:12pm (GMT+1)
Ish-Presidenti Bill Klinton u ndje dhe njëherë President i Shteteve të Bashkuara të Amerikës me vizitën në Kosovë. Lule dhe thirrje gezimi nga qindra kosovare mbushen rruget ku kaloi ish-numri 1 i Amerikes. Liderët e Kosovës e falenderuan për ndihmën e çmuar ndaj Kosovës në kohën kur ai ishte President. "Faleminderit, Z. President", ishte shprehja që u dëgjua më shpesh sot nga salla e parlamentit të Kosovës nga kreu i shtetit të Kosovës, Fatmir Sejdiu, kryeministri Thaci kryeparlamentari Krasniqi, ku deputetët u mblodhën për të dëgjuar ish-presidentin e SHBA-ve Bill Klinton. Në fjalën e tij të gjatë para parlamentarëve kosovarë, Klinton iu përgjigj mirënjohes së kosovarëve se "ndjehet krenar për Kosovën, dhe se kosovarët po ashtu duhet të ndjehen krenar për veten e tyre".
"Ndoshta jeni 2 milionë apo 200 milionë, por nësoj do të ishte fuqia e shembullit tuaj... duhet të jeni shembull dhe krenar për atë që keni kaluar", tha mes duartrokitjeve Klinton. Kosova nuk është më ajo që ishte në vizitat e mëparshme dhe këtë Presidenti e vërtetoi me fjalët, "Duhet të jeni shumë krenar, ju keni konsoliduar institucionet demokratike që i keni ndërtuar, keni ngritur shtypin e lirë, partitë më të mëdha janë duke punuar së bashku, jeni pjesë e BB, FMN dhe së shpejti do të jeni dhe në BE, NATO etj". Sipas Klinton edhe puna që ka bërë shteti kosovar me etnitetet është për tu përgëzuar. "Puna që keni bërë për të siguruar serbët, ju jeni shembulli më i mirë". Nën historitë e tij si ish-president, fëmijë, diplomat, Klinton solli edhe shembullin sesi ai vetë nga një familje e varfër dhe pa shkollë u bë një ditë President. Dhe Klinton e bëri të ditur jo pa qëllim këtë shembull duke i rrëfyer kosovarëve se duhet të besojnë tek e ardhmja, gjithmonë. "Besoj se e ardhmja do te jetë ndryshe. Kur linda në një fshat të varfër dhe asnjë nga ne nuk kishte mbaruar shkollë, por familja kishte vetëm fermerë, dhe askush nuk ndihej i shtypur, por askush nuk u ndje i shtypur se besonim se do të ndryshonim të ardhmen. Unë mendoj se keni bërë shumë, mund të krijoni një popull një shtet të fuqishëm dhe të jeni në rajon një vend i përfitimeve", u shpreh Klinton. Ne fjalen e tij , Klinton nuk harroi te pershendese kontributin e cmuar te Presidnetit te ndjere Ibrahim Rugova dhe tu percillte kosovareve pershendetjet nga Sekretarja e Shtetit, Hillari Klinton.
Pak para fjalës së Klinton, liderët kosovarë, Sejdiu, Thaci e Krasniqi nga salla e Kuvendit përshëndetën vizitën e Bill Klinton. Të emocionuar liderat i bënë të ditur ish-presidentit se nuk do ta harrojnë kurrë kontributin e çmuar që ai dha për Kosovën. "Ne kujtojmë angazhimin tuaj në kohën kur luftonim për liri", tha në liderat gati në një gojë. Për krerët e shtetit, puna filloi pikërisht kur u vulos liria e Kosovës. "Ne jemi të vetëdijshmë për përgjegjësitë që na takojnë, dhe po punojmë fort për të zhvilluar Kosovën", tha në fjalën e tyre Sejdiu e Thaci. (http://www.voal-online.ch)
Comments (0)
Dërgoja shokut
Printo
