Gjykata Kushtetuese e Çekisë ka vendosur se Traktati i Lisbonës i Bashkimit Evropian është në linjë me Kushtetutën e vendit, duke e hequr kështu pengesën e fundit për ratifikimin e dokumentit.

Republika e Çekisë është i vetmi vend i BE-së që ende nuk e ka ratifikuar traktatin, i cili duhet të miratohet nga të gjitha vendet anëtare që të hyjë në fuqi.

Parlamenti i Çekisë e ka mbështetur marrëveshjen, por presidenti Vaclav Klaus e priste vendimin e gjykatës para se ta nënshkruajë.

Javën e kaluar në samitin e Bashkimit Evropian, Brukseli e plotësoi kërkesën e presidentit Klaus që Çekia të përjashtohet nga nënshkrimi i Kartës për të Drejtat Themelore, e cila u mundësonte gjermanëve të dëbuar nga Çekia pas Luftës së Dytë Botërore, që të pretendojnë kthimin e pronave të tyre.

(http://www.evropaelire.org)