LULZIM BASHA - ISA MUSTAFA DO T'I JAPË DIMENSION TË RI KUVENDIT TË KOSOVËS
E Enjte, 07.17.2014, 03:14pm (GMT+1)
TIRANE - Kryetari i Partisë Demokratike, Lulzim Basha i ka shprehur urimet e tij dhe të demokratëve shqiptarë kryetarit të ri të Kuvendit të Kosovës, Isa Mustafa.
Në faqen e tij zyrtare në rrjetin social "Facebook", Basha ka shprehur bindjen se "ligjvënësit kosovare nën drejtimin e zotit Isa Mustafa do te arrijnë të orientojnë drejt rrugët e zgjidhjes së çështjeve që u shërbejnë interesave të të gjithë qytetarëve të Kosovës për zhvillim ekonomik, punësim dhe mirëqenie për konsolidimin e demokracisë dhe integrimin europian dhe euroatlantik".
"Duke i uruar suksese Kryetarit të ri të Kuvendit, jam i sigurt se me urtësinë dhe përvojën e tij zoti Isa Mustafa do të arrijë ti japë një dimension të ri parlamentarizmit në Kosovë duke vijuar në rrugën e progresit dhe zhvillimit"-shkruan Basha në "Facebook".www.voal-online.ch
|
Comments (0)
Dërgoja shokut
Printo
