Kosova Sot - SUNDIMI I LIGJIT, NË DORË TË MAFIOZËVE
E Hënë, 04.06.2015, 08:18am (GMT+1)
Prokuroria duhet të pastrohet nga figurat e pandershme dhe të inkriminuara
Drejtësia kosovare për shume vite ka amnistuar krimet e politikës
Prokuroria duhet të pastrohet nga figurat e pandershme dhe të inkriminuara
"Qytetarët e këtij vendi janë të uritur për më shumë drejtësi të drejtë nga sistemi gjyqësor dhe prokurorial. Publiku pret që prokurorët dhe gjyqtarët e këtij vendi të kontribuojnë në pastrimin e shtetit, të politikës, të institucioneve shtetërore nga korrupsioni, krimi, abuzimi dhe çdo fenomen tjetër negativ, që po cenon marrëdhëniet juridike dhe shoqërore. Ka ardhur koha që çdo subjekt politik apo jopolitik, me pushtet apo pa pushtet, me imunitet ose pa imunitet të ndihet i barabartë para drejtësisë dhe para gjykatave", është shprehur kryeprokurori i Apelit dhe njëherësh kandidat i nominuar për kryeprokuror të shtetit, Aleksandër Lumezi
Mungesa e drejtësisë në Kosovë prej kohësh është bërë fakt i hidhur. Në kohën që po flitet për inkriminim të politikës, pjesë e skutës së krimit janë bërë edhe institucionet e drejtësisë. Sipas Isa Mulajt, nga Instituti për Hulumtime dhe Analiza të Politikave Ekonomike, është krijuar ideja se sundimi i ligjit është bërë pronë e mafiozëve të politikës dhe prandaj ndodh dhe amnistimi i krimeve politike. "Ekziston një konsensus vendor dhe ndërkombëtar se Kosova është një shtet mafioz dhe shumë i kriminalizuar. Të jesh mafioz, keqbërës, dhe kriminel, ke gjasa të ngjitesh shumë shpejt në majat e pushtetit. Kjo vërtetohet edhe me praninë e mafiozëve në pushtet, ndërmarrjet publike dhe Kuvendin e Kosovës. Edhe popullsia në masë tani është bindur se çështja e sundimit të ligjit është pronë private e mafiozëve dhe e kriminelëve", është shprehur Mulaj...
www.voal-online.ch
|