TË AFËRM TË ARBEN FRROKUT KANË FOLUR NË TELEFON ME ENVER STAFUKËN DITËN E VRASJES SË DRITAN LAMAJT
E Mërkurë, 04.08.2015, 10:43am (GMT+1)
Arben Frroku, jo vetëm që ka pasur njohje me shtetasin Enver Stafuka, por të afërm të tij kanë komunikuar me të pikërisht ditën kur është vrarë Dritan Lamaj.
Kështu raporton gazeta "Shqiptarja.com", e cila ka zbardhut tabulatet mes të pandehurit Frroku, nipit të tij Jak Jaku, dhe dy të akuzuarve të tjerë për vjedhjen e BMW në Durrës, Enver Stafuka dhe Gentjan Bejta.
Të katër këta persona gjatë datës 22, 23 dhe 24 shkurt kanë pasur komunikime ndërkohë që në 22 shkurt Gentjan Bejta, me qeliza telefonike del në zonën e "Misto Mame", pikërisht në vendin ku Arben Frroku ka biznesin e tij "A.M.L Grup".
Duke analizuar tabulatet e shtetasit Enver Stafuka, prokuroria thotë se ky person ka patur disa komunikime me të njohur të Frrokut dhe nipit të tij, Jak Jaku.
"Nga analiza e tabulateve telefonike, se shtetasi Enver Stafuka me numrin e tij të celularit ka komunikime me persona të përbashkët me të pandehurin Arben Frroku. Stafuka në datat 20.02.2013 dhe 24.02.2013 ka komunikime me numrin celular 06857xxx dhe ky i fundit ka komunikime po në të njëjtën datë me numrin e celularit 0696003xxx, që i përket dëshmitarit Jak Jaku dhe ky i fundit ka komunikuar me të pandehurin Arben Frroku, me numrin e celularit 0692053xxx", deklaroi prokuroria në pretencën ndaj Frrokut.
Në konkluzionet ku u kërkua dënimi me burgim të përjetshëm i Arben Frrokut, përfaqësuesit e akuzës thanë se "Enver Stafuka në datë 23.02.2013, pas vjedhjes së makinës në Durrës, ka komunikime me numrin e celularit 0686325xxx, ky i fundit me numrin tjetër të celularit në posedim të tij, ka komunikuar me të pandehurin Arben Frroku më datë 24.02.2013, në orën 12:02" www.voal-online.ch
|
Comments (0)
Dërgoja shokut
Printo
