E Shtunë, 05.18.2024, 05:38pm (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
LAJMI I FUNDIT
 
GJERMANIA IU BËN THIRRJE SPANJËS, RUMANISË, SLLOVAKISË, GREQISË DHE QIPROS TA NJOHIN KOSOVËN
E Premte, 08.27.2010, 03:18pm (GMT+1)

Guido Vestervelle, Fatmir Sejdiu dhe Hashim Thaçi

Përditësimi i fundit: 27.08.2010 15:47

"Pavarësia dhe integriteti i shtetit të Kosovës janë një realitet", tha në Prishtinë ministri Jashtëm i Gjermanisë, Guido Vestervelle. Ai u bëri thirrje pesë vendeve anëtare të BE-së që nuk e kanë njohur Kosovën, që ta bëjnë një gjë të tillë. Ndërkaq, konfirmoi se nuk ka arritur pajtueshmëri me autoritetet në Beograd lidhur me rezolutën që ky vend mëton ta procedojë në Asamblenë e Përgjithshme të Kombeve të Bashkuara.

Ministri i Jashtëm i Gjermanisë, Guido Vestervelle, u komentoi liderëve politikë në Kosovë se nuk kishte arritur t'i bindte autoritetet në Beograd që të mos e procedojnë rezolutën për Kosovën në Asamblenë e Përgjithshme të Kombeve të Bashkuara.

Pas një takimi të përbashkët që ministri i Jashtëm gjerman zhvilloi me presidentin Fatmir Sejdiu dhe kryeministrin Hashim Thaçi, ai tha se për Gjermaninë pavarësia dhe integriteti i Kosovës janë realitet që tashmë është vërtetuar edhe me mendimin e Gjykatës Ndërkombëtare të Drejtësisë.

Ndërkaq, pavarësisht përpjekjeve të tij që t'i bindë autoritetet serbe që të rimodifikojnë, apo të mos e procedojnë fare rezolutën, me të cilën Serbia e fton Asamblenë e Përgjithshme të kërkojë negociata të reja për statusin e Kosovës, Vestervelle tha se nuk kishte arritur pajtimin me lidershipin në Beograd.

"Duhet të themi se për momentin ne nuk jemi pajtuar në disa çështje, marr shembull dërgimin e rezolutës në Nju Jork", tha diplomati gjerman Vestervelle.

Ai inkurajoi Serbinë dhe vendet tjera që aspirojnë integrimet, të angazhohen dhe të tregohen konstruktive në mënyrë që të jenë të gatshme edhe për kompromise.

Sa u përket raporteve Kosovë Serbi, Vestervelle tha se Bashkimi Evropian është i interesuar të mbështesë çdo lloj bisedimi të drejtpërdrejtë dhe bashkëpunim konstruktiv ndërmjet të dyja vendeve.

"Besojmë se e ardhmja e Ballkanit është perspektiva në Bashkimin Evropian",
tha Vestervelle.

Ministri gjerman u bëri thirrje dhe pesë vendeve anëtare të BE-së që nuk e kanë njohur Kosovën, të mos hezitojnë dhe të veprojnë si shumica e vendeve të BE-së.

"Ka një shqetësim te disa vende se njohja e Kosovës do të kishte një domethënie edhe për konfliktet dhe rastet në shtete të ndryshme në botë. Por, duhet të themi se nuk ka pasoja, pasi që njohja e Kosovës, ka të bëjë me një rast "˜sui generis'".

"Pavarësia dhe integriteti i shtetit të Kosovës janë një realitet. Këtë gjë e ka vërtetuar së fundit edhe mendimi i GJND-së, i cili ishte shumë i qartë"
, theksoi Vestervelle.

Ndërkohë, presidenti Fatmir Sejdiu tha se e ka njoftuar diplomatin gjerman me gatishmërinë e Kosovës që krahas raporteve të mira me vendet fqinje, të ndërtojë marrëdhënie të mira edhe me Serbinë, por mbi parimin e dy shteteve të barabarta.

"E theksuam, po ashtu, vizionin tonë të qartë për raporte të mira, të shkëlqyeshme me të gjithë fqinjët tanë dhe vullnetin që raporte të tilla t'i kemi edhe me Republikën e Serbisë dhe theksuam të njëjtën kohë se punët e mëdha që i kemi bërë dhe garancitë e rëndësishme për një zhvillim të shpejtuar dhe investime të jashtme në Kosovë", tha Sejdiu.

Presidenti Sejdiu dhe kryeministri Thaçi kundërshtuan idetë e prezantuara edhe nga raporti i fundit i Grupit Ndërkombëtar të Krizave për autonominë e veriut, apo shkëmbimin e territoreve.


Kryeministri Thaçi tha se nuk ka kthim prapa, pasi që me Pakon e Ahtisarit dhe deklaratën e pavarësisë, Kosova tashmë e ka të definuar statusin për më se dy vjet.
"Gjuha dhe idetë e këtij raporti janë jashtë çdo realiteti dhe nuk i përputhen kohës, suksesit, progresit të shtetit të pavarur e sovran të Kosovës. Integriteti territorial është i paprekshëm dhe i njohur ndërkombëtarisht dhe në asnjë rrethanë nuk do të ketë ide në agjendën tonë shtetërore për ndonjë shkëmbim territori apo autonomi",
theksoi Thaçi.

Giudo Vestervelle mbajti një fjalim edhe para Kuvendit të Kosovës gjatë një seance solemne të thirrur për nder të vizitës së tij në Kosovë.

Ligjvënësit kosovarë ai i siguroi se Gjermania ka mbështetur dhe do ta mbështesë Kosovën si një shtet të pavarur që synon integrimet evropiane. Pavarësia e Kosovës është e pakthyeshme, tha ai, duke premtuar dhe ndihmën e diplomacisë gjermane në shtimin e numrit të njohjeve.

Më pas, ai vizitoi edhe komunën e re të Graçanicës, ku u takua me përfaqësuesit e zgjedhur të komunitetit serb nga procesi i fundit i zgjedhjeve lokale.

Në kuadër të turneut diplomatik në rajon, para se të vijë në Prishtinë, ministri i Jashtëm gjerman kishte qëndruar edhe në Beograd.

Atje ai i bëri thirrje Serbisë që të pajtohet me pavarësinë e Kosovës. Kurse, në vend se të propozojë rezoluta, ai u propozoi autoriteteve serbe që t'i nisin bisedimet me Kosovën.

(http://www.evropaelire.org)

www.voal-online.ch


Rating (Votes: )   
    Comments (0)        Dërgoja shokut        Printo


Other Articles:
ALBERT ROHAN: GRUPI NDËRKOMBËTAR I KRIZAVE PROPOZON TË NJËJTËN GJË SI SERBIA NË REZOLUTËN PËR KOSOVËN (08.27.2010)
SERBIA DO TA RISHOHË REZOLUTËN ME BE-në (08.27.2010)
WESTERWELLE VIZITON KOSOVËN (08.27.2010)
MINISTRI I JASHTËM GJERMAN THIRRJE SERBISË TË HEQË DORË NGA KOSOVA (08.26.2010)
NJU JORKU NË 100 VJETORIN E NËNË TEREZËS (08.26.2010)
NËNË TEREZA, DRITË E MADHE (08.26.2010)
NËNA TEREZE, BOTA IA KREMTON NJËQINDVJETORIN E LINDJES (08.25.2010)
NJË ZYRTAR I LARTË SHQIPTAR AKUZOHET PËR KRIM TË ORGANIZUAR NË NJU JORK (08.25.2010)
GJERMANIA DO TË BËJË ÇDO GJË QË TË MOS E LEJOJË REZOLUTËN SERBE (08.25.2010)
PRESIDENTI DHE KRYEMINISTRI DO TË LOBOJNË NË NJU JORK (08.24.2010)



 
::| Lajme të fundit
::| Kalendari
Maj 2024  
D H M M E P S
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
 
::| Hot News
KLIKONI NË WWW.VOAL.CH - ZËRIN E SHQIPTARËVE NË NJË DIZAJN TË RI - WWW.VOAL.CH  -  VOAL
80 TË RINJ AMERIKANË E MBAJTËN PARA KUVENDIT KONCERTIN ME KËNGË PATRIOTIKE SHQIPTARE
80 AMERIKANË KËNDOJNË SOT PARA KUVENDIT TË SHQIPËRISË KËNGË PATRIOTIKE SHQIPTARE
PROTESTA SOT NË SHKUP - TË DORËHIQET QEVERIA NË TËRËSI
NËNKRYETARI I PARLAMENTIT EVROPIAN KËRKON DORËHEQJEN E GRUEVSKIT
DEPARTAMENTI AMERIKAN I SHTETIT - NDJEKIM NGA AFËR SITUATËN NË MAQEDONI
MAQEDONIA NGRE TRIDHJETË AKUZA PËR TERRORIZËM
LUBOMIR FËRÇKOSKI - QEVERIA NË SHKUP PO NXIT TENSIONET NDËRETNIKEFërçkoski - Konflikti në Maqedoni s'ka të bëjë me “Shqipërinë e Madhe”
MANIFESTIM SPONTAN NË TIRANË 'KUMANOVË NUK JE VETËM'
MUSTAFA - 700 SHQIPTARË NGA MAQEDONIA JANË ZHVENDOSUR NË PRESHEVË

 
VOAL
[Shko lart]