VOAL - Online Zëri i Shqiptarëve - PD TO BE OR NOT TO BE - HUMBËSI I 22 KORRIKUT A DO TA PRANOJË HUMBJEN?Nga SKËNDER BUÇPAPAJ

Kjo është pyetja që pothuajse nuk është shtruar në këto javë të garës për kreun e ri të Partisë Demokratike të Shqipërisë: Humbësi i 22 korrikut a do ta pranojë humbjen? Më saktë: pala humbëse e 22 korrikut a do ta pranojë rezultatin e dalë nga votimet e anëtarësisë së kësaj partie anembanë vendit.

Një muaj pas 23 qershorit, pritet që 22 korriku të jetë data tjetër më e bujshme e zhvillimeve politike në Shqipëri. Prandaj pyetja e mësipërme, pothuaj tabu edhe në kampin kundërshtar, edhe në mediat përkatës ka qenë tabu ose është shtruar nën zë. Nga kjo pyetje, në një drejtim të kundërt me logjikën e matrioshkave, lindin pyetje përpjesëtimisht më të mëdha: A do të jetë zgjedhja e kryetarit të ri të PDsë, për herë të parë me parimin 'një anëtar një votë' një zgjedhje e drejtë dhe e ndershme, pra me një rezultat, cilidoqoftë ai, të pranueshëm si për njërin kandidat edhe për tjetrin, si për mbështetësit e njërit kandidat, ashtu edhe për mbështetësit e kandidatit tjetër?

Mediat, në analizat dhe opinionet e tyre, lënë disi të kuptohet se gara e zhvilluar këto javë nga dy mëtuesit për kreun vakant të PDsë, është vetëm sipërfaqësore, është vetëm dukja, është vetëm cipa e asaj që vlon në kazanin e kësaj partie. Klanet e PDsë, sipas tyre, nuk janë aq miqësore, nuk janë aq të pajtueshme mes tyre, madje janë armiqësore, janë të papajtueshme. Ato përfaqësojnë grupe dhe grupime të mëdha interesash krejt të papërputhshme. Dhe rezultati, fruti që do të japë 22 korriku, më tepër do të vijë nga gara e nëndheshme se nga paraqitja që kanë bërë kandidatët në turneun e tyre zgjedhor në bazën e partisë.

Duke pasur tetë vjet në duar Shqipërinë, pasuritë e saj, burimet e saj natyrore dhe njerëzore, garuesit, më saktë, palët garuese pak ose aspak e shikojnë 22 korrikun si një datë vendimtare për fatin e partisë së tyre, për fatin e demokracisë në partinë e tyre, për fatin e një alternative të rëndësishme në politikën dhe në jetën e Shqipërisë, rrjedhimisht për fatin e zhvillimeve të ardhshme të vendit. Ata e shikojnë 22 korrikun me logjikën e tenderit. Ata nuk janë mësuar të humbasin tendera. Pra, nuk mund t'ia lejojnë vetes të humbasin një tender të tillë të rëndësishëm dhe ndoshta të papërsëritshëm, siç është 22 korriku.

Atëherë, pyetja pasuese më e madhe që del nga një pyetje pararendëse më e vogël është se a do ta pranojë pala humbëse bashkëjetesën me palën fituese? Më qartë: A do të pranojë ajo një rëndësi më të vogël se ajo që ka pasur në kuadrin e një klani apo të një grupi klanor? Pra, në përfundim, Partia Demokratike a do të jetë ajo që ishte deri më 24 korrik? A do të shpërbëhet ajo natyrshëm gradualisht, pa ndonjë bujë të madhe apo kjo do të ndodhë në mënyrë kaotike dhe me mbresa të padëshirueshme për klimën politike të vendit?

A do të jetë, pra, PD një kooperativë bujqësore tjetër e radhës, nga e cila, kush është më afër kryesisë, kush është më i zoti, më shkathëti, më i shpejti, më nuhatësi do të marrë pjesën e saj më të madhe dhe do ta çojë në shtëpinë e vet, më saktë: në shtëpinë e klanit të vet, grupit të vet klanor?

Për midenë e një partie që, në gati gjithë historinë e saj, nuk e ka njohur transparencën, nuk i ka njohur votimet e rregullta dhe të ndershme, ku zgjedhjet kanë qenë emërime, ku proceset kanë qenë farsë në të gjitha instancat dhe në gjithë hierarkinë, do të jetë e rëndë dhe e vështirë të kapërdijë apo të përthithë një 22 korrik të lirë, të ndershëm, transparent. Një kapërcim i improvizuar i ylberit do të ishte tepër i paparashikueshëm për këllqe të tilla gjatë të shrembëruara dhe të ligështuara.

Pyetja vijuese do të ishte: Ish kryetari i PDsë, nga jashtë strukturave të saj tashmë, a do të jetë në gjendje t'i mbajë brenda shishes xhullinjtë, të cilët kalërojnë PDnë dhe Shqipërinë pa patur kush t'i ndalë prej së paku katër vitesh, kur PD mbajti farsën zgjedhore më fatale të saj?

A do të jetë ai do të ketë në dorë gongun e ankandit?

A do ta pranojnë më tej palët PDnë si shtëpinë e tyre të përbashkët?

Shtruarja dhe renditja e të gjitha këtyre pyetjeve bëhet mbi bazën e një logjike të vetme pritëse, e cila nuk ekziston askund në Tiranë: Mbi bazën e logjikës së përgjigjeve që ato do të marrin gjatë dhe pas 22 korrikut.

SQARIM PËR OPINIONIN PUBLIK: NUK KAM QËNË KURRË ANËTAR I PPSH
Nga SKËNDER BUÇPAPAJ

E Hënë, 07.15.2013, 05:51pm

SEVDALLINJTË MANJAKË TË PARTIVE - DIVERSION EDHE KUNDËR MEDIAVE ONLINE
Nga SKËNDER BUÇPAPAJ

E Djelë, 07.07.2013, 11:35am
VOTA PARANDALUESE
Nga SKËNDER BUÇPAPAJ
E Premte, 06.28.2013, 09:42am

A ËSHTË 23 QERSHORI ZGJIDHJA?
Nga SKËNDER BUÇPAPAJ

E Djelë, 06.16.2013, 07:12am

HAPËSIRA SHQIPTARE MË VERILINDORE - PENG I TERMAVE
Nga SKËNDER BUÇPAPAJ

E Martë, 06.04.2013, 07:03am
MONOLOG PAS ZYRTARIZIMIT TË LISTAVE - QAJ FACEBOOK ME LOTË PËRPJETË
Nga SKËNDER BUÇPAPAJ

E Premte, 05.10.2013, 10:23am

TIRANË - KUVENDI BURLESK NË SEANCËN E JASHTËZAKONSHME PËR EGIN CEKËN
Nga SKËNDER BUÇPAPAJ

E Premte, 04.26.2013, 02:28pm
NJË THËNIE ME DOMETHËNIE E MESIÇIT
Nga SKËNDER BUÇPAPAJ

E Djelë, 04.14.2013, 08:41am

TË NESËRMEN E NJËZET E DY MARSIT TË NJËZET E DYTË
Nga SKËNDER BUÇPAPAJ

E Shtunë, 03.23.2013, 09:46am
MJERIMDIPLOMACIA E REPUBLIKËS SË SHQIPËRISËNga SKËNDER BUÇPAPAJ (03.10.2013)

MAFIA NUK BËN DOT ZGJEDHJE - OSE MEDITIM PËR 23 QERSHORIN
Nga SKËNDER BUÇPAPAJ
E Mërkurë, 02.27.2013, 02:54pm
SI E HUMBI KRYETARI I PD SHANSIN PËR TË PASUR FLAMURIN E INTEGRIMIT EVROPIAN FLAMUR TË FUSHATËS
Nga SKËNDER BUÇPAPAJ

THJESHT ATDHEDASHURI - TË JEMI BIJ TË ATDHEUT, TË MOS JEMI VAMPIRË TË ATDHEUT
Nga SKËNDER BUÇPAPAJ

E Djelë, 02.03.2013, 10:09am
Përmendore IBRAHIM RUGOVA, VËLLAI YNË, BABAI I KOMBIT TONË
Shkruar më 22 janar 2006
Nga SKËNDER BUÇPAPAJ
E Hënë, 01.21.2013, 08:43am

POPULLI E DI KË KA CUB KË HERO
Nga SKËNDER BUÇPAPAJ
E Shtunë, 01.12.2013, 09:57am

HOSSANA, BARJABA!
Nga SKËNDER BUÇPAPAJ
E Hënë, 01.07.2013, 10:00am

SHKRUAR MË 21 DHJETOR 2012, NË DITËN E PARË TË EGOS GLOBALE
Nga SKËNDER BUÇPAPAJ
E Premte, 12.21.2012, 11:35am
A DO TË JETË PD NJË OPOZITË BLLOKUESE?
Nga SKËNDER BUÇPAPAJ
E Mërkurë, 12.12.2012, 11:54am

Ribotim përkujtimor
XHEMAJL MUSTAFA DHE KOSOVA
Nga SKËNDER BUÇPAPAJ