Obama ka vendosur: SHBA do t'i rikthehen Hënës me sytë drejt Planetit të Kuq
E Martë, 01.12.2010, 10:51am (GMT+1)
Boldon kur ishte Astronaut
Voal-online - Një financim i
jashtëzakonshëm prej 1 miliardë $ për Nasa-n që do të realizojë ndërtimin e një
baze të re të lëshimeve satelitore dhe rikthimin mbi satelitin tonë brënda 2018
Shtetet
e Bashkuara kanë vendosur që t'i rikthehen Hënës brënda 2018. Sikurse zbulon
revista shkencore amerikane Science Insider presidenti i Shteteve të Bashkuara
Barack Obama është takuar në mesin e dhjetorit 2009 me administratorin e NASA-s
Charles Bolden duke akorduar 1 miliardë $ shtesë bilancit të 2011 me qëllim
realizimin e një sistemi të ri të lëshimit të raketave që do të bëjë kthimin e
Amerikanëve tek sateliti ynë.
Administratori i NASA-a Charles Frank "Charlie" Bolden, Jr. , 63 vjeçar është një
gjeneral major i Trupave Marine të SHBA në pension dhe ish astronaut i NASA-a, me një
karierë brilante si ushtarak dhe astronaut.
Ai është
zgjedhur si administrator i NASA-a më 23 Maj 2009 nga Presidenti Obama. Emërimi
i tij u konfirmua nga Senati më 15 Korrik 2009. Ai është i pari
Afrikano-Amerikan në krye të NASA-s.
Obama sipas
revistës Science Insider rezulton të
ketë zgjedhur midis hipotezave të shumta opsionin hënor. Sateliti ynë pastaj
mund të shërbejë si platformë e lëshimit të raketave drejt Marsit.
Plani
aktual për eksplorimet hapësinore të NASA-s ka hasur disa vështirësi.
Veçanërisht, përsa i përket vektorit Ares I, i cili në fazën e projektimit
është ndeshur me probleme teknike dhe që lidheshin edhe me buxhetin i cili
është braktisur. Prej këtej ka marrë jetë vendimi për një projekt të ri të
sistemit të lëshimit raketor. Nga 3 miliardë të mjaftueshëm për ta sendërtuar
projektin e ri sipas llogaritjeve të NASA-a, Obama ka akoprduar vetëm 1
miliardë, por që gjithësesi është buxhet i mjaftueshëm për t'i dhënë jetë
planit të ri.
Sipas
synimeve të Shtëpisë të Bardhë, programi fillestar i bërë nga NASA mund të
ishte rishikuar dhe kostot mund të ishin reduktuar vetëm për ndërtimin e
moduleve hënore apo të shpenzimeve që do të duheshin për bazën në Hënë, për të
cilën sipas hipotezave mund të përfundojë në vitin 2020.
Presidenti Obama dhe Charles Boldon
Ish
Presidenti i SHBA George W. Bush ka propozuar për rikthimin e astronautëve në
Hënë që prej vitit 2004. Prej asaj kohe interesi është rritur për destinacione
të tjera. Ndërsa partnerët e SHBA janë të fokusur në eksplorimet hënore,
Shtëpia e Bardhë është më tepër e intriguar për misione tek asteroidët dhe tek
Planeti i Kuq. Për të parapërgatitur misionet humane, NASA mund të dërgojë
misione me robotë.
Po sipas Science
Insider që i referohet burimeve të Shtëpisë të Bardhë, gjithësesi Obama është i
gatshëm që të lajmërojë publikisht vendimin e tij nga fundi i janarit me rastin
kur ai i adresohet Kombit. Një tjetër mundësi do të jetë që ky vendim mund të
bëhet pjesë e kërkesës nga presidenti Kongresit për buxhetin dhe që dorëzohet
më 1 shkurt 2010. Interesimet e administratës të Obamës për kujdesin
shëndetësor, ndryshimet klimatike, zyrtarët e NASA-s i shohin si një shenjtë të
qartë duke e mirëpritur politikën e re të Obamës dhe interesimit të tij edhe
ndaj fluturimeve në hapësirë.
Elida Buçpapaj
(Për përgatitjen e këtij raportijanë përdorur burimet nga Science
Insider; Corriere della Sera, The Washington Post etj.)