Ahtisari u bashkëngjitet liderëve botërorë E Hënë, 09.21.2009, 05:32pm (GMT+1)
Ish presidenti i Finlandës dhe fitues i Çmimit Nobel për Paqe, Marti Ahtisari, do t'i bashkangjitet grupit të "Të urtëve", i cili merret me zgjidhjen e konflikteve në botë, njoftoi kreu i këtij grupi Desmond Tutu.
"Jemi të gëzuar që po na bashkohet Ahtisari, prania e të cilit do të konmtribuojë për punën tonë", tha Tutu, i cili gjithashtu është fitues i Çmimit Nobel për Paqe.
Ahtisari e fitoi Çmimin Nobel për përpjekjet e tij në zgjidhjen e statusit të Kosovës, si dhe ndërmjetësimin në konfliktet në Indonezi, Namibi dhe Irlandën Veriore.
Në grupin bëjnë pjesë dhe ish lideri i Afrikës së Jugut, Nelson Mandela, dhe ish presidenti amerikan Xhimi Karter. (http://www.evropaelire.org)
Comments (0)
Dërgoja shokut
Printo
