"Më dërgon mesazhe dashurie. Më shkruan se jam e gjithë jeta e tij, se nuk mund të bëjë asgjë pa mua": Francois Hollande, sipas Valerie Trierweiler, ia dërgon ish bashkëjetueses së tradhtuar "deri 29 sms në ditë". "Dëshiron të kthehet tek unë - shkruan gazetarja në libër - cilido që të jetë çmimi për të paguar. Më thotë se ka nevojë për mua, çdo mbrëmje më kërkon të darkojmë bashkë." Kur sms dynden, tregon Valérie, ajo fillon të pyesë veten: "i beson ai ato që i shkruan? Apo janë kapriçiot e fundit të një burri që nuk e duron humbjen?"
"Më thotë se do të më rifitojë, a thua se jam një garë zgjedhore," shkruan Trierweiler për ngulmimin e pareshtur të presidentit që ata të rifillojnë raportin. Sipas Catherine Schwaab, kryeredakore e Paris Match që e ka lexuar librin dhe që sot e paraprin, "ndërmjet një takimi me Obama-t e një tjetri me Putinin, presidenti dërgon sms shfrenueshëm, gjen kohën të dërgojë tufa lulesh në dhomën e saj në hotel ndonëse ajo nuk i ka treguar ku është!"
"E vëzhgoj fytyrën e Michelles" e "ngushëllohem që nuk jam e vetmja xheloze", pohon Valerie duke përshkruar episodion e selfies të Obamës me kryeministren daneze gjatë funeralit të Mandelës. "Gjatë ceremonisë - shkruhet në libër - pamja e presidentit Obama që bën një selfie me kryeministren bionde daneze qarkullon në krejt botën. Unë shikoj fytyrën e ngrysur të Michelles, pranë tij, dhe më pëlqen edhe më shumë. Ngushëllohem që nuk jam e vetmja xheloze. Po, xheloze, jam xheloze, kur jam e dashuruar."
Në fund një nga pikët më të forta të librit flet për një takim të ftohtë në tre rreth tavolinës - Francois Hollande, Ségolène Royal e ajo. "Isha me atë - shkruan Trierweiler - po flisnim për gjithçka, po qeshnim. Papritur kam parë tek vinte Ségolène Royal (ish bashkëjetuesja dhe nënë e 4 fëmijëve të Hollande, shënim), që vinte drejt nesh. E kam lajmëruar Françoisin që po shikonte nga ana tjetër. Ai mendoj se po tallesha gjersa e pa atë të ulur pranë nesh. Është e ftohtë: 'ja ku jam, shpresoj të mos ju shqetësoj'. François nuk arrin të shqiptojë asnjë fjalë. I përgjigjem unë: 'po flisnim për Tour de France'. E ajo: 'mos u tallni me mua!" ansa
Comments (0)
Dërgoja shokut
Printo
