RAPORTI - GJERMANIA E KA ANULUAR KONTRATËN USHTARAKE ME RUSINË
E Hënë, 08.04.2014, 09:35am (GMT+1)
Raportohet se Gjermania e ka anuluar një marrëveshje me Rusinë për ndërtimin e një kampi të pajisur plotësisht për ushtrimin e forcave ruse, për shkak të krizës në Ukrainë.
E përditshmja gjermane, Sueddeutsche Zeitung, ka raportuar sot se një zyrtar i lartë i qeverisë së Gjermanisë, e ka "tërhequr autorizimin e vet" për kontratën prej 140 milionë dollarëve, në të cilën përfshihet grup mbrojtës gjerman, Rheinmetall.
Projekti është ndalur në muajin mars, pas aneksimit të ishullit Krime në Ukrainë nga ana e Rusisë.
Këtë vendim të palës gjermane Moska e ka vlerësuar si "jokonstruktiv" dhe e ka akuzuar Berlinin se po vepron nën presionin e Shteteve të Bashkuara.
Mediat gjermane kanë raportuar se qendra ushtarake, që ishte paraparë të ndërtohej në rajonin perëndimor Volga të Rusisë, parashihej të hapej më vonë këtë vit, për stërvitjen e 30 mijë ushtarëve.
www.voal-online.ch
|