Skënder Çeku
Në Pejë dje u mbajt akademi përkujtimore për rënien e dëshmorit Skënder Çeku. Për nder të 11 vjetorit të rënies, homazhe u bënë në vendin ku ka rënë dëshmori Ceku, në Loxhë, dhe në Gllogjan te varri i dëshmorit.
Pjesëmarrësit në akademi vlerësuan lartë veprën dhe kontributin e dëshmorit të Kombit Gjeneral Major Skënder Çeku, për lirinë e Kosovës. Homazhe bëri edhe ish komandanti i Shtabit të përgjithshëm të UÇK-së gjeneral Agim Çeku. Gjeneral Skënder Çeku ra heroikisht më 17 gusht të vitit 1998 në betejën dytë të Loxhës në luftë frontale më forcat okupatore serbe.