SHAQIRI ME BAYERNIN MPOSHTIN BARCELONËN
E Mërkurë, 07.24.2013, 08:49pm (GMT+1)
Mesfushori shqiptar Xherdan Shaqiri ka ndihmuar Bayern Muenchenin të mposhtë të mërkurën mbrëma Barcelonën në "Allianz Arena" me rezultatin 2:0, në kuadër të turneut "Uli Hoeness Cup". Philipp Lahm (15') dhe Mario Manxhukiq (87') shënuan golat për Bayernin. Shaqiri në ndeshje u fut në minutën e 46-të në vend të Arjen Robbenit. Në të vërtetë, Barcelona në Munih kishte udhëtuar me shumë mungesa. Madje në pjesën e parë të ndeshjes në përbërje të Barçës nga skuadra e parë ishin vetëm ylli Lionel Messi, sulmuesi kilian Alexis Sanchez dhe mbrojtësi Javier Mascherano, derisa shumica ishin lojtarë të rinj. Në pjesën e dytë të ndeshjes, Barça ndërroi tërë përbërjen duke aktivizuar gjithë lojtarët e rinj që kishte marrë. Të dyja skuadrat bënë nga 11 zëvendësime.www.voal-online.ch
|
Comments (0)
Dërgoja shokut
Printo
