Voal-online - Me 28 vota, kundër 10, Këshilli i Shteteve (Senati) është shprehur të mërkurën (dje) në favor të një ushtrie më të madhe e më të kushtueshme në krahasim me projektet e Këshillit Federal (Qeverisë).
Shumica e Dhomës së Kantoneve i kundërvihet kështu Qeverisë e cila dëshiron një ushtri të zvogëluar deri në 80.000 ushtarë dhe kërkon të paktën 100 000.
Aktualisht janë 120 000 milicë (ushtarë profesionistë), përveç 60 000 burrave në rezervë. Propozimet e senatorëve përfshijnë shpenzime më të mëdha në krahasim me propozimet e ekzekutivit, të frenuara nga e majta, që fiksojnë kufizin e shpenzimeve ushtarake 4,4 miliardë franga në vit.
Këshilli i Shteteve bazohet në të dhënat e Komisionit të tij të Sigurisë, sipas të cilit, ushtria e re e përfytyruar nga Këshilli Federal do të kushtonte në fakt shumë më pak, por do të ishte më pak rezultative.
　
E nevojshme blerja e avionëve të rinj në vend të avionëve Tiger
22 avionë të rinj luftimi për ushtrinë zvicerane janë një blerje urgjente. Në gjurmët e Këshillit Nacional (deputetëve), shumica e Këshillit të Shteteve ka ftuar dje Këshillin Federal të paraqesë brenda fundit të vitit një porosi të blerjes së avionëve të rinj për një shumë maksimale 5 miliardë franga dhe e materialeve të tjera për një shumë 1,2 miliardë.
Avionët Tiger, sipas mendimit të shumicës së Dhomes së Kantoneve, iu përkasin viteve Gjashtëdhjetë dhe kështu që janë të papërshtatshëm: mund të veprojnë vetëm ditën dhe vetëm në mot të mirë, çka e pakëson shumë frytshmërinë e tyre.
305 milionë për infrastrukturat
Në fillim të mbledhjes, Këshilli i Shteteve ka miratuar me 32 vota, pa asnjë kundër, një kredit 305 milionë frangash për pajisje të Departamentit Federal të Mbrojtjes: 19,5 milionë do të shërbejnë për rinovimine qendrës atomiko-bakteriologjiko-kimike në Spiez (Bernë), ndërsa 285,5 milionë do të përdoren për projekte të vogla. Objekti i kalon për shqyrtim Këshillit Kombëtar (deputetëve).
(http://www.rsi.ch)
Comments (0)
Dërgoja shokut
Printo
