Micheline Calmy-Rey e përfshirë personalisht në mbledhjen e fondeve
Voal-online Dita kombëtare e mbledhjes së fondeve, organizuar nga Maratona e Solidaritetit, është mbyllur me triumfin e bujarisë zvicerane.
Në nivel vendi është kaluar shifra e 25 milionë frangave. Në pjesën italiane janë dhënë rreth 1 milion e gjysëm franga, në pjesën franceze janë dhënë rreth 5 milionë franga, në pjesën romançe janë dhënë rreth 1 milion franga, në pjesën gjermane janë dhënë rreth 17 milionë franga.
Paratë e dhëna nga qytetarët zviceranë janë parashikuar të shkojnë për rindërtimin strukturor të vendit: shtüeoi, rrugë, shkolla. Bëhet fjalë për ndihma konkrete, të organizuara dhe të menduara më herët, të cilat nuk rrezikojnë të humbasin në kaosin e ndërhyrjeve të para urgjente që po jepen në Haiti, por që janë të destinuara në kuadrin e një plani ndërhyrës afatgjatë. Do të jenë ndihmesë për rilindjen e Haitit.
Nga mëngjesi i djeshëm të gjitha centralet telefonike kanë qenë në punë të plotë për mbledhjeve e dhurimeve. Mes personave që janë treguar aktivë ishte edhe ministërja e Jashtme Micheline Calmy-Rey, e cila ka bërë punën e centralistes telefonike në selinë e Bernës të Maratonës së Solidaritetit. Mediat elektronike, të cilat e kanë pasqyruar drejtpërdrejt ditën kombëtare zvicerane të mbledhjes së fondeve, e kanë pasur në qendër të vëmendjes disa herë zonjën Calmy-Rey.
Ndërkohë bota mobilizohet për të mbledhur fonde ndihmash. Yjet amerikane janë vënë në dispozicion nëpërmjet programit Telethon "Hope for Haiti Now" ( Shpresë për Haitin tani), transmetuar nga të gjitha rrjetet televizive brenda Shteteve të Bashkuara të Amerikës dhe nga MTV në mbarë botën. Ngjarja është prezantuar nga George Clooney, me pjesëmarrjen, mes të tjerash, të Bono, Madonna, Justin Timberlake e Beyoncé. Pas Sandra Bullock-ut, nga ata që dhanë $1 milion dollarë për Haitin ishte edhe Leonardo DiCaprio.
Zvicra 25 milionë
Mbrëmë në mesnatë kanë mbyllur centralet telefonike të Maratonës së Solidarietit, pas një dite tejet të ngjeshur me mbledhjen e fondeve për t'i ndihmuar viktimat e të dëmtuarve nga tërmeti në ishullin e Haitit. Në nivel kombëtar parashikimet ishin të mblidheshin 21 milionë franga, por kjo shifër është kaluar ndjeshëm. Në përfundim të ditës së djeshme shuma kishte arritur 25 228 008 franga.
(http://www.rsi.ch)