Kushtetuta zvicerane

Voal-online - Komisioni i ekonomisë dhe tatimeve në Këshillin nacional ka rrëzuar me 12 vota kundër dhe 10 pro inisiativën parlamentare të UDC, që kërkonte ta fuste dhe mbronte sekretin bankar me kushtetutë.

Komisioni nga ana tjetër ka aprovuar 10 marrëveshje të taksimit të dyfishtë sipas parametrave të OSBE, që parasheh heqien e dallimit midis mashtrimit dhe evazionit fiskal.

Për sa i përket futjes të sekretit bankar në Kushtetutë - këtë objektiv e ka pasur Lega e Tiçinezëve, e cila tashi është duke mbledhur firma për inisiativën e saj popullore për ta çuar në referendum. Siç dihet ndalimi i minareve pak kohë më parë është bërë po përmes referendumit.

Ndërsa Hansruedi Wandfluh (UDC/BE), president i Komisionit të Ekonomisë dhe Tatimeve në Këshillin nacional tha se një insisiativë e tillë në këtë moment do të çonte një sinjal të gabuar jashtë Zvicrës.

Ndërsa marrëveshjet për taksa të dyfishta të ndërtuara në bazë të stadarteve sipas OSBE-së janë nënshkruar me SHBA, Francën, Anglinë, Danimarkën, Meksikën, dhe posa janë ratifikuar edhe nga Austria, Norvegjia, Findanda, Katari dhe Luksemburg. «Shumica është e bindur se këto marrëveshje janë në të mirë të interesave ekonomike helvetike», ka nënvizuar Wandfluh.

Voal-online - Gjykata e shkallës së parë e Gjenevës i ka dhënë të drejtë Hanibal Gedafit në lidhje me fotografitë e botuara shtatorin që shkoi nga gazeta Tribune de Genève: gazeta ka dhunuar sferën private të të birit të liderit të Libisë.

Gjykata ndërkohë nuk ka qenë dakord që gazeta Tribune de Genèvet'i paguante Hanibal Gedafit 100'000 franga zvicerane sa ai kishte kërkuar, duke gjykuar se një pjesë e përgjegjshmërisë i takonte kantonit të Gjenevës.

Vendimi i gjykatës do të publikohet në faqet e gazetës Tribune de Genève , si dhe në sitin e kantonit të qytetit të Gjenevës.

 

Edhe sektorët e teleferikëve janë të kënaqur me stinorin e skive

 

Voal-online -Arritjet e stinorit dimëror 2008/2009 nuk janë përsëritur, por, falë temperaturave të ulëta, vendpushimet e skive janë prapë të lumtur me stinorin e dimrit të fundit.

Kënaqësia në vendpushimet e skive zvicerane në stinorin e skive të këtij viti është e madhe. Nëse dielli do të ishte shfaqur më shpesh, përfshirë edhe Krishtlindjet dhe Vitin e Ri, rezultatet do të ishim shumë më të kënaqshme, siç tregohet nga një studim i SDA.

Falë temperaturave konstante të ftohta, borë qëndroi gjatë dhe ishte në gjendje për të ruajtur cilësinë e saj të mirë. Edhe sektori i teleferikëve arriti rezultate të mëdha. Walter Schoch, pronar i ashensorit të Fischenthal-it, në kantonin e Zyrihut, është një nga më të kënaqurit. Ai përfitoi nga prania e borës këtë vit. Rezultatet ishin të bujshme.

 

 

Stinori shkoi mirë edhe falë pjesës së dytë të dimrit

 

Për shkak të motit me luhatje në gjysmën e parë të stinorit, kabinat e teleferikëve nuk ishin aq të frekuentuara. Për shembull, në Shën Moritz, diçka jotipike për këtë zonë – kurrë nuk shfaqej tri ditë me rradhë. Në zonat e vogla të skive kjo ishte edhe më e ndjeshme. Por moti ishte parashikuar edhe më keq, çka bëri që të binte numri i vizitorëve në teleferikët.

 

Stinor i suksesshëm për teleferikët me shina në Zvicër

 

Edhe industria e kabllore mund të flasë për sukses pas stinorit të dimrit, thotë Roman Weissen, zëdhënës i sektorit të teleferikëve me shina për Zvicrën - dhe kjo pavarësisht situatës aktuale ekonomike.

Për skiatorët e përkushtuar stinori nuk ka përfunduar ende. Disa fusha të skive i mbajnë gati shpatet e tyre të stinorit të dimrit deri në fund të prillit, para se të fillojnë stinorin e verës.

Këshilltari Federal Ueli Maurer nuk do bashkëpunim në çështjet ushtarake.

Voal-online -Para rreth 1000 anëtarëve dhe simpatizantëve të AUNS në Bernë, Këshilltari Federal Ueli Maurer ka mbrojtur veçanësinë e Zvicrës, së cilës Gjenerali Guisan ia kushtoi jetën. Arritjet e tij janë mësime të rëndësishme, tha ministri i Mbrojtjes.

 

Në kuadrin e përkujtimit të 50 vjetorit të vdekjes së tij – 7 prill 1960 – Këshilltari Federal Uleri Maurer, në tubimin e 25-të të anëtarëve të Aksionit për një Zvicër të Pavarur dhe Neutrale (Aktion für eine unabhängige und neutrale Schweiz –AUNS), tha se Gjenerali Guisan ishte « paraprirës dhe garant për një Zvicër që ka guximin të vazhdojë në rrugën e saj Â». Në të njëjtën kohë ai tërhoqi paralele të shumta me të sotmen. Politika nuk ishte një punë e lehtë në kohën e Guisanit; ushtria ka qenë lënë pas dore financiarisht pas Luftës së Parë Botërore. "Ushtria mobilizohej më 1939, e udhëhequr nga një Gjeneral, kur politikanët naivë të paqes në vitet mëparshme e kishin refuzuar krijimin e një ushtrie moderne,“ tha Maurer.
 

Bëhej për neutralitetin

Ky lëshim do të ishte paguar në rastin e parë me të vdekur. Sot nuk është ndryshe. Dhe ngaqë ndihej i përgjegjshëm ndaj ushtrisë dhe ushtarëve, Henri Guisan do ta merrte detyrën e Gjeneralit të ushtrisë shumë seriozisht.

 

Maurer u ankua se ushtria e Zvicrës u dashka të “funksionojë si instrument i integrimit”. Dhe me parullën “Siguri nëpërmjet bashkëpunimit” të lihej siguria e vendit në duar të huaja.  Prandaj për raportet e politikës së sigurisë duhet diskutuar  vetëm në mënyrë zyrtare rreth strategjive. Në fakt, megjithatë, ajo ka të bëjë neutralitetin. “Dhe nëpërmjet tij shtrohet pyetja nëse Zvicra mbetet e pavarur dhe autonome, apo nëse ajo ngadalë, nga dera prapa, ajo do të jetë e integruar në strukturat mbikombëtare. "  Veçanësia duhet ruajtur

Voal-online - Në ditën e parë të vizitës në Zvicër, Dalai Lama ka falenderuar Konfederatën për solidaritetin e treguar ndaj refugjatëve tibetianë të ardhur në Zvicër prej vitit 1960. Kreu spiritual është takuar në manastirin budist në Rikon të Zyrihut me presidenten e Këshillit Nacional Pascale Bruderer, kryetaren e bashkisë të Zyrihut Corine Mauch dhe presidenten e qeverisë kantonale Regine Aeppli. Fituesi i çmimit Nobel të Paqes ka shprehur gjithë mirënjohjen e tij ndaj Zvicrës. Presidentja e Këshillit Nacional ka nënvizuar integrimin e shkëlqyer të komunitetit tibetian në Zvicër, që tashmë jetojnë këtu prej tre gjeneratash. Komuniteti tibetian në Zvicër arrin 4000 vetë, është komuniteti më i madh që jeton jashtë.

KOSOVARËT PËR PUNËN E PENSIONEVE TË PAKËNAQUR NGA BERNA

E Premte, 04.09.2010, 02:54pm


Bern, 9 prill - Institucionet në Kosovë dhe sindikatat po akuzojnë dhe flasin ziarr e terr për Qeverinë zvicerane për shkak të shkëputjes së marrëveshjes për sigurimet. Zvicra i kishte njoftuar me kohë kosovarët - të cilët shumë vonë kanë reaguar. “Ky vendim i Qeverisë zvicerane është i ngutshëm dhe kryekëput i natyrës politike”, thonë zyrtarët e Qeverisë së Kosovës. Por, zyrtarët zviceranë, thonë se pala kosovare ka qenë e njoftuara me kohë. Por, reagimet kanë ardhur vetëm pas shkëputjes së marrëveshjes.

Bern, 9 prill - Institucionet në Kosovë dhe sindikatat po akuzojnë dhe flasin ziarr e terr për Qeverinë zvicerane për shkak të shkëputjes së marrëveshjes për sigurimet. Zvicra i kishte njoftuar me kohë kosovarët - të cilët shumë vonë kanë reaguar. “Ky vendim i Qeverisë zvicerane është i ngutshëm dhe kryekëput i natyrës politike”, thonë zyrtarët e Qeverisë së Kosovës. Por, zyrtarët zviceranë, thonë se pala kosovare ka qenë e njoftuara me kohë. Por, reagimet kanë ardhur vetëm pas shkëputjes së marrëveshjes.

 

Gjithnjë e më pak gjermanë duan të punojnë në Zvicër, por gjithnjë e më shumë zviceranë duan të punojnë në Gjermani

 

Voal-online –Fluksi i punëtorëve gjermanë në Zvicër ka rënë në vitin 2009. Ndërkohë numri i zviceranëve që është rritur pak numri i zviceranëve që vendosen me punë në Gjermani.

 

Me mbi 250 000 gjermanë që punonin në Zvicër, arrihej një kulm i ri i pranisë së gjermanëve në këtë vend, tha Dhoma e Tregtisë Gjermani - Zvicër. Rritja ishte në vitin 2009 me mbi 17 000 veta, por ka qenë më e ulët se në vitin paraprak.

 

Gjithnjë e më tepër zviceranë në Gjermani

 

Në të njëjtën kohë ishin në fund të vitit të kaluar 76 500 zviceranë në Gjermani, më shumë se 60 për qind me shtetësi të dyfishtë. Rritja vitin e kaluar, sipas Dhomës së Tregtisë ishte plot 1100 njerëz, duke përfaqësuar një rritje prej 1,5 për qind. Kjo është 0,6 për qind më shumë se më 2008.

 

Paralajmërimi i Dhomës së Tregtisë

 

Numri i lartë i gjermanëve në Zvicër ishte kryesisht për shkak të kualifikimeve të tyre profesionale. Presidenti  i Dhomës së Tregtisë, Eric Sarasin, paralajmëroi kundër përdorimit të çështjes për objektivat partiake politike duke bërë thirrje për një debat racional mbi emigracionin.

Në foto: General Guisan më 1944 në Altdorf (Ur)

 

Voal-online -Edhe pas 50 vjet pas vdekjes së tij Henri Guisan mbetet një mit. Gjenerali mishëronte shpirtin luftarak të Zvicrës gjatë Luftës së Dytë Botërore dhe ishte një simbol i kundërvënies ndaj kërcënimit nga jashtë. Historianët e rinj, megjithatë, shtrojnë pyetje duke e parë këtë foto.

 

Lindur më 1874, Henri Guisan bënte një karrierë "klasike" të dyfishtë - si një bujk "zotëri", në kantonin Vaud dhe - nga viti 1894 - si oficer i milicisë. Me mbështetjen e Këshilltarit Federal Rudolf Minger ai ishte komandant korparmarte më 1932.

 

Kur në verën e 1939 përkeqesohej gjendja në Evropë, Guisan zgjidhej nga Asambleja e Përgjithshme Federale e Bashkuar më 30 Gusht 1939 Gjeneral i Armatës. Kjo ishte për shkak të aftësive të tij të padyshimta, dhe për shkak se pjesa frëngjisht-folëse e vendit përfaqësohej atëherë në qeveri vetëm me një Këshilltar Federal.

 

Henri Guisan nuk u konsiderua si një strateg i madh, por si një njeri praktik dhe realist. Gjatë luftës ai e bëri atë përsëri dhe përsëri për t’i përgatitur ushtarët zvicerane dhe për t’iu dhënë guxim atyre dhe popullit. Gjatë shërbimit aktiv ai mbante lidhje me ushtarët në një kohë kur shumë oficerë vazhdonin të mbanin distancë me trupat. Guisan i festoi së bashku me ushtarët Krishtlindjet në Gotthard.

 

Duke pasur parasysh dobësinë e ushtrisë zvicerane, gjenerali Guisan, më 25 Korrik 1940 nga parimi i konsoliduar i atëherëshëm i “lëvizjes strategjike të luftës” dhe njoftoi në raportin e tij legjendar të Rütlit, strategjinë Réduit, tërheqjen e forcave kryesore të ushtrisë në vargmalin Alpin - edhe pse koncepti ngjall polemika në udhëheqjen e ushtrisë, dhe mund të zbatohej vetëm gradualisht.

 

Megjithatë, hulumtimet më të fundit historike, e shikojnë imazhin e Guisanit si mbrojtës pa kompromis të demokracisë dhe neutralitetit. Në fund të 30-viteve ai kishte shkuar me shtabin e tij për bisedime me francezët për kufijtë e neutralitetit: Franca duhet të qëndronte përkrah Zvicrës në rast të një sulmi gjerman.

 

Protestuesit u zhvendosën nga Eichholz in Wabern përgjatë lumit Aare deri në Münsterplatz

 

 

Voal-online - 'Nën moton "Paqe në fusha dhe në pjatë”, filloi lëvizja e paqes marshimin tradicional të Pashkëve nëpër Bernë. Në qendër të Marshimit të Pashkëve ishte tema e të ushqyerit.

 

Disa folës theksuan sa rëndësi do të kishte që në botë të mos mbizotëronte uria, sepse uria sjell luftë.

Rreth 500 vetë morën pjesë në Marshimin paqësor të Pashkëve të hënën, sot, duke u zhvendosur nga Eichholz in Wabern përgjatë lumit Aare deri në Münsterplatz, njoftuan korespondetët e SF, teelvizionit publikt zviceran.

 

Më 2009 morën pjesë rreth 600 veta në protestë. Tema kryesore e këtij tubimi ishte azili politik.

 

Marshimi i sotëm i Pashkëve synonte që ta mbajë gjallë traditën e kësaj veprimtarie të përvitshme, e cila në Evropë ka 50 vjet që zhvillohet rregullisht. Në kulmin e traditës së saj, kjo veprimtari përfshiu në radhët e veta me qindra mijë protestues të cilët ngriheshin kundër armatimit bërthamor.

Dy ministrat e kabinetit të shkojnë? Nëpër korridore duket se tashmë zaret janë hedhur

Voal-online –Kjo tashmë përflitet nëpër partitë. E para që e konfirmoi ishte politikania e FDP-së dhe kolege e vjetër e Hans-Rudolf Merz (Hans Rudolf Mercit), se këshilltari federal i FDP-së do të japë dorëheqjen së shpejti dhe nuk do të qëndrojë në detyrë deri më 2011 siç ishte parashikuar. Edhe këshilltari federal i SP-së Moritz Leuenberger (Moric Lojnberger) duket se është në zgrip, siç njoftuan të dielën (sot) mediat. Kritika masive ka brenda partisë edhe për kryetarin e të Gjelbërve, Ueli Leuenberger (Uli Lojnberger).

 

Këshilltarja e FDP-së (Partisë Liberaldemokrate) nga Appenzell (Apencel), mike e Hans Rudolf Merz-it, Marianne Kleiner, tha për «SonntagsZeitung», se është e qartë për „shumë nga fraksioni ynë“, se Merz nuk e përfundon mandatin. Ai do ta lirojë vendin e tij në Këshillin Federal përpara zgjedhjeve të vitit të ardhshëm. Fjalët e Kleiner merren më shumë se një hamendje, ajo ka qenë prej vitesh një mike e ngushtë e këshilltarit federal, thekson gazeta.

 

PS dëshiron të tërhiqet Leuenberger ?

 

Nëpër korridore flitet për një tërheqje të parakohshme të këshilltarit federal të SP (Partisë Socialiste) Moritz Leuenberger – ndoshta së bashku me Merz-in. „Nuk është më sekret se SP-ja dëshiron tërheqjen e tij,“ thekson Kleriner. Kryetari i SP-së Christian Levrat po përgatit tërheqjen e tij. Levrat, i cili vazhdimisht ka folur për një tërheqje të Leuenbergerit pas zgjedhjeve, nuk e ka përgënjeshtruar Kleiner-in. Natyrisht, çdo këshilltar federal është i lirë në qëndrimet e tij, „por me përvojën e tij dhe shkathtësinë e tij politike Moritz Leuenerger do të dijë t’i pajtojë interesat e tij politike me ato të partisë nëpërmjet tërheqjes së tij“.

 

 

Diçka po gatuajnë edhe të Gjelbërit