Voal-online Mbreti i kuiceve mbush 85 vjet. Një ditëlindje të cilën, siç bën të ditur ANSA, Mike Bongiorno do ta kalojë në vendet arabe, në udhëtim me të shoqen Daniela në Riad, Abu Dabi dhe Dubai. Por bash sot e shikojmë për herë të parë nën petkun e konkurentit në episodin special të Cash Taxi, emisionin e re reality quiz (në orën 20:50 në televizionin privat Sky Uno) drejtuar nga ish hijena Marco Berry.
Dekani i drejtuesve të emisioneve televizive do t'iu përgjigjet pyetjeve të kulturës së përgjithshme, por edhe këto i përkasin jetës së tij dhe karrierës së tij televizive, lindur në një radio amerikane në vitin e largët 1946 dhe transferuar në televizionin e sapolindur italian më 1953. Mike është duke përgatitur një rikthim të madh në televizionin, në Sky, me një version të ri të emisionit të famshëm Rischiatutto.
Pasi kishte pritur me muaj një thirrje nga Mediaset, ka pranuar propozimin e televizionit të magnatit Rupert Murdoch, ku në prill ka pagëzuar, në një videomasazh, emisionin Fiorello Show, të shoumenit më të madh aktual italian. Me moton e tij "alegria!" Mike kishte bërë pagëzimin, një gjysmë shekulli më parë, të lindjes së Rait dhe pastaj të televizionit komcercial Mediaset.
Comments (0)
Dërgoja shokut
Printo
