KA LËNË ORËN
Nga SINAN KËRPAÇI
E Mërkurë, 03.26.2014, 05:03pm (GMT+1)
Nëna iku e më la orën e murit,
më la orën që bën tiktak.
Nëna iku, por jo larg:
deri tek i madhi
për pak ditë,
për pak.
Nuk i duhet për kohën e ilaçeve,
është më shumë se kaq, më shumë:
mat kohën kur dal dhe kthehem unë.
Mbrëmë gjeta forca dhe u thashë:
nesër, kur ajo të dalë,
mua më lini në gjumë.
Për pak ditë nëna ka ikur te vëllai,
për pak,
ka lënë orën që bën tiktak.
Nga libri "MA THUAJ NESER", 2012SINAN KËRPAÇI
|
Comments (0)
Dërgoja shokut
Printo
