AH GJERËSI E PYLLIT TË PISHAVE Nga PABLO NERUDA
E Shtunë, 08.09.2014, 05:05pm (GMT+1)
Ah gjerësi e pishave, zhurmë e valëve që thyhen, vend i ngadaltë i dritave, këmbanë e vetmuar, muzg që bie mbi sytë e tu, kukull, kërmill tokësor, brenda teje toka këndon!
Brenda teje të qeshurat këndojnë e shpirti im me to ikën ashtu si ti do dhe drejt asaj që ti kërkon. Shëno rrugën time në harkun tënd të shpresës dhe çliro në jerm grupin e shigjetave të mia.
Përreth meje unë po shoh rripin tënd prej mjegulle dhe qetësia jote ngacmon orët e mia të përndjekura, dhe që janë krahët e tu prej guri të tejdukshëm ku puthjet e mia lidhen dhe malli i lagësht bën folenë.
Ah zëri yt me fshehtësi që dashuria ngjyen e shumëfishon në atë pasdite tingëllojnë dhe vdesin! Kështu në orët e thella mbi fusha unë pashë si gjethe gjylpërat u dyzuan ne gojën e erës.
Përktheu: EMIL ASDURIAN
|