Voal-online -Roman Polanski është në arrest shtëpiak në shaletin e tij zviceran, por regjisori polako-francez do ta mbizotërojë sivjet Festivalin e Filmit të Berlinit, ku filmi i tij i fundit "The Ghost Writer" (Shkrimtari fantazmë) do të shpaloset.
Interesi për filmin e 76 vjeçarit, një nga 20 pjesëmarrësit e konkurtimit për çmime në ngjarjen e 11-21 shkurtit, pashmangshëm është rritur që nga arrestimi i tij sensacional në shtator.
Polanski, fitues i çmimit Oskar për filmat "Chinatown" dhe "Rosemary's Baby", është duke u përpjekur tani të mos ekstradohet në SHBA lidhur me dënimin për marrëdhëniet e paligjshme të vitit 1977 me një vajzë 13 vjeçare. Regjisori i Festival, Dieter Kosslick, me shpresë së veprimtaria e përvitshme që shënon tani 60 vjetorin të jetë e sukesshme, ka pohuar se regjisori nuk do të jetë të premten në qilimin e kuq të premierës botërore të filmit të tij. Nuk do të ketë as videomesazh të tij nga shtëpia në Gstaad.
Megjithatë pritet që The Ghost Writer të nxitë më shumë vëmendjen se qindra filma të tjerë që do të shfaqen në garë dhe jashtë garës në Berlin sivjet. Polanski e bazon trillerin e tij në romanin e Robert Harris dhe kryeminstri i trilluar britanik luajtur nga Pierce Brosnan është bazuar në figurën e Tony Blair.
(http://www.reuters.com)
Comments (0)
Dërgoja shokut
Printo
