Voal-onine -Kathryn Bigelow është e para femër që fiton çmimin e regjisores më të mirë (best director award) nga Shoqata e Regjisorëve të Amerikës (Directors Guild of America) mbrëmë me trillerin e saj për luftën në Irak, "The Hurt Locker," një film me buxhet të ulët që po grumbullon çmime në prag të dhënies së çmimeve Oskar.
Fituesi i çmimit kryesor në Directors Guild of America awards ka fituar çmimin Oskar si regjisori më I mirë gjithnjë, përveç gjashtë rasteve, në 61 vitet e fundit.
Kandidaturat për çmimet Oskar do të shpallen të martën dhe "The Hurt Locker" pritet të ketë disa kandidatura, përfshirë kategoritë e filmit më të mirë dhe regjisorit më të mirë.
Bigelow mund katër regjisorë të tjerë, përfshiirë ish burrin e saj James Cameron, i cili kishte fituar një Golden Globe (Glob të Artë) këtë muaj për filmin me buxhet të stërmadh e tejet fitimprurës "Avatar."
"Jam thellësisht e habitur, e nderuar dhe krenare," tha Bigelow përpara turmës së madhe plot me regjisorë dhe aktorë të mëdhenj të Hollywood-it.
"Mendoj se ne të gjithë e ndjemë thellë përgjegjësinë për ta treguar këtë histori sa më ndershmërisht të ishte e mundur, nisur nga trimëria e burrave dhe grave në fushën e betejës," shtoi ajo.
"The Hurt Locker" tregon historinë e një ekipi ushtarak amerikan tre vetash që çmontojnë mjete shpërthyese në mesin e betejave dhe kryengritjeve. Shumë kritikë thonë se filmi është portretizimi më i saktë i luftës së Irakut që nga fillimi i saj më 2003.
Bigelow, gjithashtu producente e filmit, përdori aktorë pak të njohur dhe rikrijoi gjendjen e vështirë të Irakut, duke xhiruar kryesisht në Lindjen e Mesme gjatë verës.
Javën e shkuar "The Hurt Locker" fitoi edhe çmimin e filmit më të mirë nga Producers Guild of America (Shoqata e Producentëve të Amerikës). Fituesi i këtij çmimi ka arritur të marrë Oskarin e filmit më të mirë në 13 raste në 20 vitet e fundit, përfshirë dy të fundit.
"The Hurt Locker," tani edhe në DVD, fitoi edhe çmimin e filmit më të mirë në Critics Choice Awards.
Konkurenti më i fortë për Oskar ndaj "The Hurt Locker" duket se do të jetë nga filmi aventurë fantastiko-shkencore "Avatar," filmi më fiimprurës i të gjitha kohërave pasi javën e shkuar kaloi edhe hitin e mëparshëm të James Cameron, "Titanic".
Tre regjisorët e tjerë të nderuar nga Directors Guild of America ishin Quentin Tarantinopër sagën e Luftës së Dytë Botërore, "Inglourious Basterds," Lee Daniels për "Precious", dhe Jason Reitman për "Up in the Air."
E pyetur prapa skene se çfarë ndjen që është e para femër të fitojë një Directors Guild award, Bigelow qeshi duke thënë: "Mendoj se mund ta mbaj veten si filmbërëse."/Elida Buçpapaj
(http://www.reuters.com)
Comments (0)
Dërgoja shokut
Printo
