Festivali i filmit i Kanës u hap të mërkurën me premierën botërore të "Robin Hood", versioni epik i Ridley Scott që kërkon të tregojë se si heroi i legjendës bëhet një plaçkitës i jashtëligjshëm i të pasurve për të ushqyer të varfërit.
Neozelandezi Russell Crowe, i cili luan shigjetarin e guximshëm të shekullit 13, dhe australiania Cate Blanchett, si Maid Marion, ishin në qilimin e kuq në vendpushimin francez Riviera për fillimin e maratonës 12-ditore të filmit.
Bashkë me ta në shkallët që çojnë në Lymier Grand Theater ishin Helen Mirren, Jean-Claude Van Damme, Eva Longoria Parker, Aishwarya Rai dhe presidenti i jurisë Tim Burton. Robin Hood është një nga pak filmat e SHBA në festivalin e këtij viti, një platformë e shtrenjtë ndonëse e nivelit të lartë për filmat, duke reflektuar shqetësimet në lidhje me gjendjen e ekonomisë globale dhe duke e bërë edicionin e vitit 2010 relativisht pak të rëndësishëm për nga prania e yjeve.
"Ndoshta arsyeja kryesore është kriza financiare, sepse kinemaja është një industri ... e cila ka nevojë për shumë të holla," tha drejtori i festivalit Thierry Fremaux për Reuters.
(http://www.reuters.com)