Mishto: "Kurorës së artë të 100 Vjetorit të Pavarësisë së Shqipërisë iu shtua një diamant, për të cilin familja e nderuar Gjonaj, Reçi i largët dhe gjithë shqiptarët kudo ndodhen ndjehen krenarë dhe të nderuar"
SHBA, 15 shtator 2012 - Mark Gjonaj, shqiptari i parë që fitoi zgjedhjet paraprake të Partisë Demokratike për anëtarët e Asamblesë së New York-ut, ka marrë me mijëra mesazhe urimi nga shqiptarët.Madje jo vetëm atyre në Shtetet e Bashkuara, por edhe nga shqiptarët në Shqipëri, Kosovë e viset shqiptare. Shqiptarët në mbarë botën.
Gjonaj, i cili kryesoi në këto zgjedhje përballë rivales Naomi Rivera, në mesazhin e tij të urimit deklaron se tashti është koha për të lënë pas politikën dhe fokusimi duhet të jetë tek nevojat e qytetarëve, të qarkut 80, të Kuvendit të New Yorkut.
"Votuesit e qarkut 80-të, të Kuvendit të New York-ut, bën një zgjedhje të qartë të enjten dhe unë u jam tepër mirënjohës për mbështetjen e tyre. Unë pres që të punojmë së bashku me udhëheqësit e komuniteteve të tjera, në javët dhe muajt e ardhshëm. Unë pres që të bashkohemi në luftën e tyre për punësim, paga më të mira dhe për të një sistem shkolllorë, më të mirë duke ulur mbipopullimin e tyre", shprehet Gjonaj.
Mark Gjonajt është shqiptari i parë si përfaqësues shqiptarëve të New York-ut në Asamble, ku fitoi me 52% të votave ndaj 41% të marra nga anëtarja në detyrë e Asamblesë, Naomi Rivera.
43-vjeçari Mark Gjonaj, babai i dy fëmijëve i lindur nga prindër shqiptarë, të cilët emigruan nga Reçi i Ulqinit-Mali i Zi, u rrit në një lagje italo-shqiptarësh në lagjen e njohur Belmont, ku babai i tij punoi si inspektor ndërtimi.Ai mbaroi shkollën e mesme St Raymond dhe u diplomua në Universitetin St. John's, Queens.
Dr. Gjon Buçaj:
Në mesazhin e tij të urimit kryetari i shoqatës Federata PanShqiptare e Amerikës VATRA, Dr. Gjon Buçaj, thotë:
"I dashtun Mark,në emër të Vatrës dhe timin të përgëzoj për fitoren në votimet para partiake, për antarë të Asemblesë së New York-ut! Kjo fitore dëshmon se fushata e jote ka qenë efektive për t'u njoftë me votuesat, duke ju përcjellë atyre mesazhin e nji kandidati që synon me i përfaqësue në Asemblenë e këtij shteti, me konsideratën e interesave të tyre në rend të parë."
Paulin Kolaj: Veprimtari i dalluar dhe pronari i sukseshëm i biznesit më të madh kulinar në SHBA,"Famous Pizza Family Restaurant", zoti Paulin Kolaj, në mesazhin e tij,- përshëndetës thotë se z. Mark Gjonaj, tregoi se: "Çfarë do të thotë një fitore si kjo për të gjithë shqiptarët, si në SHBA, si edhe për ne, në diasporë!"
"Është e rëndësishme në këtë kohë nëhistorinë tonë të dimë se ne kemi një shqiptaro-amerikan në politikën amerikane, si një zë përtë gjithë ne", thotë Kolaj duke shtuar se: "Mark Gjonaj tregojë aftësi unike, dhe mençurinë, për të udhëhequr me konsensus të përbashkët. Dhe, ai tash ai është një njeri të cilit ne mund të i besojmë plotësisht për të na përfaqësuar të gjithë ne me një shkallë të lartë të nderit dhe të përkushtimit për të gjthë komunitetet në Distriktin 80-të."
Dritan Mishto
Urime shqiptaro-amerikanit të mirë dhe të përkushtuar Mark Gjonaj!, shkruan në mesazhin e tij Konsulli i Përgjithshëm i Shqipërisë në New York, diplomati Dritan Mishto. Fitorja e z. Gjonaj në fazën e rëndësishme paraprake është një lajm i gëzuar për gjithë botën shqiptare. Duke arritur këtë sukses falë përkushtimit, reputacionit dhe mjeshtësisë së tij në fushatë, Z. Gjonaj tregoi se gjithçka është e mundshme kur vlerat njerëzore dhe ndershmëria janë bazë e nismave të tilla. Unë jam i bindur se Marku do të jetë një shembull i përkryer i mënyrës se si duhet qeverisur, se si duhen zgjidhur hallet e qytetarëve, sesi duhen kapërcyer pengesat dhe të shikohet drejt së ardhmes së përbashkët. Tashmë z. Gjonaj ka barrën historike dhe përgjegjësinë e lartë të tregojë se shqiptarët dinë të drejtojnë, të menaxhojnë detyrat publike dhe të sjellim mirëqënie për komunitetin ku ata bëjnë pjesë. Rruga e gjatë ku është futur projekti i Markut kërkon nga të gjithë një përkushtim dhe mbështetje të lartë për ta shndërruar këtë shanc historic në projektin politik të shqiptarëve në diasporë për dekadat që vijnë. Fitorja e z. Mark Gjonaj na mbush të gjithëve me gëzim dhe me dëshirën që stacioni i ardhshëm politik të jetë akoma më lart. Kurorës së artë të 100 Vjetorit të Pavarësisë së Shqipërisë iu shtua një diamant, për të cilin familja e nderuar Gjonaj, Reci i largët dhe gjithë shqiptarët kudo ndodhen ndjehen krenarë dhe të nderuar. Suksese të mëtejshme z. Mark Gjonaj!
Urimet tona për fitoren z. Mark Gjonaj!, thotë në mesazhin e tij, - z Tom Mrijaj një publicistit, kritik letrar, shkrimtari i disa librave, Sekretar i Përgjithshëm i "Lidhjes së Tretë të Prizrenit".
Tom Mrijaj
Zoti Mrijaj më tej thotë se fitorja e Mark Gjonaj, gëzoj shqiptarët kudo që gjenden,sidomos mërgaten tonë në SHBA,ku Gjonaj dha një shembull të mirë për breznit e reja, se në këtë shtet të bekuar me punë e ndershmëri arritet çdo gjë! Një merit e posaqme, shprehet z. Mirijaj për fitoren Gjonaj i shkon gazetarit të Bota Sot, i cili me pendën e tij, - të shkëlqyer, që nga dita e parë e fushatës së tij, - njoftoj opinjonin këtu dhe në atdhe për kandidatin historik të shqiptarëve në këtë vend të bekuar. Ishte pra e para gazeta e juaj( me korrespondentin tuaj ne SHBA) që njoftoj botën shqiptare në atdhe për fitoren e shqiptarit Mark Gjonaj.
Në orën 2 pas mesit të natës të mëngjezit të së Premtes në rubrikën e lajmeve tek gazeta më e madhe në botën shqiptare "Bota Sote" mësova për lajmin e fitores. Në ato orë të hershme thuja gjitha gazetat shqiptare në Shipëri, Kosovë, Maqedoni e Mal te Zi e diaspor kishin mësu këtë lajm të gëzueshem nga Bota Sot.
"Unë me familjen time, kam kënaqësinë, thotë ai t' u përcjelli urimet më të përzemerta për këtë fitore, t'uj urue që në të ardhshmen të arrini fitore shum më të larta, në rrugën që keni vazhdu! Uroj nga zemra edhe kombëtaren Bota Sot dhe gazetarin e saj në SHBA, për gadishmërin e tij, - shembullore, në këtë fushat elektorale, të gjatë dhe të lodhshme, e cila përfundoi me sukses të plotë. Në saj të punës së shkëlqyer që bëri gjat kësaj fushate Mark Gjonaj, stafi i tij, - elektoral, dhe vullnetarët e palodhur - gjithë komunitetin shqiptarë që u tregua i bashkuar dhe i mobilizuar për këtë arritje historike të një shqiptari të Amerikës." thotë në mesazhin e tij, - z Tom Mrijaj një publicistit, kritik letrar, shkrimtari i disa librave, Sekretar i Përgjithshëm i "Lidhjes së Tretë të Prizrenit".
Harry Bajraktari
Harry Bajraktari , themelues dhe ish botues i gazetës shqiptaro amerikane Illyria,biznesmeni i suksesshë,m dhe aktivisti i njohur i komunitetit, ai që ka kontribuar në lidhjet e tij, - të mira me kongresistin Eliot Engel, thotë se :" Kalimi me sukses i "turit" të parë në garën brënda partisë Demokrate, të një shqiptari, është një lajm i mirë për të gjithë ne. Mark Gjonaj na ka nderuar të gjithë ne shqiptarëve, duke treguar se me punë dhe vullnet arrihet gjithëçka."
Për, mendimin tim mbas fitores në zgjedhjet paraprake, Mark Gjonaj e ka më të lehtë të fitojë edhe në zgjedhjet e përgjithëshme me 6 nëntorë. Dhe, shpresojë në një sukses të madh të tij.
Fitoria e Mark Gjonaj tregon se shqiptarët e Amerikës janë plotësisht të integruar në jetën amerikane, dhe të suksesshëm edhe në politikë, duke mbajtur poste drejtuese.
Kështu, ka ndodhur Kryetaren e Bashkisë së Ëorcester - Massachusetts, Konstantina B. Lukes, Lisa Mrijaj ish - (Chief of Staff) shefe e stafit të Bashkisë së Yonkersit, në dy mandate, Lisa Milicaj është e zgjedhur me vota anëtare në Këshillin e Bashkisë së Toën of Pleasant Valley në Dutchess County, Neë York, dhe Presidente e Agjencisë së Sigurimit të Parë, - President of First Insurance Agency Inc, Ken Biberaj shpresojm edhe ai të sfidojë kundërshtarin e tij, - në garën për Këshillin e Bashkisë së Neë Yorkut.
"Unë mendojë se shumë shpejt komuniteti shqiptarë në SHBA, me arritjet e gjertanishme, në pesë dhe dhjetë vjetët e ardhëshme, do të kemi edhe anëtarë të Kongresit Amerikan, më pasë Senatorë, anëtarë të qeverisë amerikane, dhe ndoshta edhe ndonjë guvernator ose major të Neë Yorkut."
Këtë e them me plot bindje mbasi sukseset e studentëve shqiptarë në universitet amerikane janë të mahnitëshme, shqiptarët sot dallohen në sport, punojnë në Ëall Street, në biznes, në drejtësi, në mjekësi, ruajtjen e rendit, në administratën lokale dhe kompanitë më të mëdha Amerikane.
Mark Gjonaj, ishte ai që bëri diferencën andaj i takojnë të gjithë falemnderimet - dhe i urojë suksese !
Veprimtari i njohur i komunitetit Sejdi Husenaj , anëtari i kryesisë së Vatrës, thotë se :"Mendojë se ky është patjetër një hap i madh suksesi për gjithë komunitetin shqiptar, të Nju Jorkut dhe shqiptarët e Amerikës në tërësi, mbase duke pasë një përfaqesues tonin në Kuvendin (Asamblen) e Nju Jorkut, ne shqiptarët afirmojmë vlerat dhe të arriturat e shqiptarve të këtushem, të cilat pse më të vogla në se do të krahasosheshin me ato të disa kombeve tjera, më të mëdha nga ne, janë më të avancuara."
Nga ana tjetër, fitorja e Mark Gjonaj, shprehet zoti Husenaj në garën brenda Partisë Demokrate, dhe shanci i tij i madh për të fituar edhe në 6 nëntorë, në zgjedhjet e pergjithëshme shtetrore në New York, do të thotë se po ngriset zëri i një shqiptari në këtë pozitë të lartë, të këtij shteti i cili është shteti më i rëndësishëm i SHBA. Fitoria e Mark Gjonaj është historike, ajo është edhe një nderim i madh që i bëhet kombit tonë në 100- vjetorin e pavarësisë së Shqipërisë, 6 muaj më pasë se festoi 100 vjetorin e shoqatës më të vejtër të shqiptarëve të Amerikës Vatrës. Prandaj, urime të përzemerta z. Mark Gjonaj dhe gjithë shqiptarve të Amerikës! nga unë Sejdi Husenaj dhe familja ime.
Frank G. Shkreli,
Zoti Frank G. Shkreli, një njohës i mirë i këtyre fushatave, analist shqiptaro amerikan i zgjedhjeve në SHBA, i cili ka qenë gazetar dhe redaktor në "Zërin e Amerikës", seksioni shqip nga viti 1974 deri në vitin 1984. Më pas po tek "Zëri i Amerikës", zoti Shkreli, ka qenë shef i seksionit shqip (1984-1985) dhe nga viti 1985 deri në vitin 1990 ka shërbyer këshilltar i lartë programacioni në divizionin europian të "Zërit të Amerikës" dhe ka qenë Drejtor Egzekutiv i KKSHA) , ka shkruar se :
"Pa dyshim se ky është një sukses i Mark Gjonajt, për të cilin ai meriton lëvdatë për punën e rëndë dhe urimet tona, por është gjithashtu edhe një hap përpara për komunitetin shqiptaro-amerikan, pasi fitorja e tij shënon një hap tjetër drejtë një angazhimi më të plotë, në procesin politik të këtij vendi, nga ana e komunitetit shqiptar në Amerikë. Në të vërtetë, komuniteti shqiptaro-amerikan, siç duket ishte i bashkuar dhe i vendosur, si asnjëherë më parë, që të ndihmonte në fushatën për zgjedhjen e Mark
Fitorja e Mark Gjonajt është një fillim i mbarë dhe shpresëdhënës për komunitetin tonë këtu në Amerikë. Kjo, pra është sfida e brezit të ri të këtij komuniteti, këtij brezi që ka mundësitë më të mira se çdo brez tjetër më parë i shqiptarëve të Amerikës. Amerika u jep mundësitë. Në asnjë vend tjetër mundësitë nuk janë më të mira për t'u bërë pjesë e procesit politik aty ku jetojmë në Amerikë, duke kandiduar dhe duke fituar në fushata siç fitoi Mark Gjonaj. Rini shqiptaro-amerikane, mos ngurro. Bëni histori siç bëri Mark Gjonaj!"
Urime dhe faleminderit Mark për shembullin e mirë për brezin e tanishëm dhe brezat e ardhshëm të shqiptarëve në Amerikë!
Mal Berisha:
Z. Mal Berisha I ngarkuar me punë Ambasada e Republikës së Shqipërisë në Mbretërinë e Bashkuar, në një mesazh elektronik drejtuar Mark Gjonaj, thotë
Shumë i dashuri dhe i nderuari vëllai jonë Mark Gjonaj, mësova me gëzim të papërshkruar lajmin për zgjedhjen Tuaj antar i Asamblesë së Nju Jorkut. Ky lajm na gëzon shumë të gjith ne shqiptarëve brenda dhe jashtë vendit fish.
Së pari; për Juve që ju njoh personalisht dhe që gëzoj respekt dhe ruaj kujtimet më të bukura nga çdo takim me juve; Së dyti sepse keni fituar në një fushatë shumë të vështirë, të një konkurence shumë të fortë në vendin me standartet demokratike më të larta në botë; Së treti sepse ju bëtë histori duke u bërë i pari shqiptaro - amerikan që arrin të zgjidhet në një organ kaq të lartë të një shteti federal amerikan; Së katërti sepse ju treguat se shqiptaro - amerikanët tashmë janë të aftë të marrin pjesë në jetën politike të atij shteti të madh dhe të fitojnë!
Ju na bëtë të gjithëve krenar, shqiptarët në Amerikë, në Shqipëri, Kosovë, Maqedoni e Mal te Zi, Luginën e Preshevës, Çamëri dhe në diasporë.
Urimet ma të mira, shumë suksese dhe Zoti ju Bekoftë Ju, Shtetet e Bashkuara të Amerikës, Shqipërinë, popullin Amerikan dhe Shqiptarët kudo që janë! I juaji Mal Berisha
Jonuz Ndreu
Jonuz Ndreu një nga emigrantë më të vjetër në SHBA, pinjolli i njërës prej familjeve më të mëdha në Dibër, nipi i Elez Isufit, i cili ka shërbyr edhe me uniformën në ushtrinë Amerikane, dhe veprimtarë i dalluar i komunitetit, Vatranë i vjetër, e përshëndeti Mark Gjonajn;
"Jemi krenarë që jemi shqiptarë, dhe kur një shqiptar arrin në poste të larta në Amerikë. Patjetër që kjo është një fitore historike është edhe krenari, për të gjithë atë punë dhe kontributë të madh që bëm në Shqiptarët e Amerikës, për dekada në këtë vend të bekuar, kampioni i lirisë dhe demokracisë, vendi që u bë shtëpia e dytë e jona - prej kur vendin tonë e sundoi regjimi i egër komunist dhe sllavo - komunist. Kontributi i shqiptarëve për Shtetet e Bashkuara - të mirat që Amerika na bëri në shqiptarëve tani ka ardhur koha t'ja kthejmë ne asaj me fëmijët tanë. Me shqiptarë si Mark Gjonaj, neser ndoshta edhe Ken Biberaj por edhe ata mijëra studentë e studente shqiptarë që shkelqejnë. Urime Mark Gjonaj për fitoren dhe suksesë edhe më 6 nëntorë!" Jonuz Ndreu