Histori - Çfarë ka ndodhur më 5 dhjetor? 1492 - KRISTOFOR KOLOMBI BËHET EVROPIANI I PARË QË VË KËMBË NË ISHULLIN HISPANIOLA
E Premte, 12.06.2013, 11:46am (GMT+1)
1492 - Kristofor Kolombi bëhet i pari evropian që vë këmbë në ishullin Hispaniola (sot Haiti dhe Republika Dominikane). 1496 - Mbreti i Portugalisë Manuel I nxjerr një dekret për dëbimin e "heretikëve" nga vendi. 1766 - Në Londër, James Christie (17301803) zhvillon ankandin e parë, duke hedhur bazat për shtëpinë e ankandit të veprave të artit në Londër që ende mban emrin e tij. Portreti i James Christit, pikturë, qëndroi varur në shtëpinë e ankandit deri sa u shit në vitin 1846. Sot, ky portret nga Thomas Gainsborough (piktor i famshëm britanik, shek. XIX), ndodhet në muzeun J. Paul Getty në qendrën Getty në Los Angeles, Kaliforni. 1848 - Në një mesazh para Kongresit amerikan, presidenti James K. Polk konfirmon se burime të shumta ari ishin zbuluar në Kaliforni. 1876 - Zjarri në një teater në Brooklyn, Nju Jork, vret të paktën 278 persona. 1914 - Parlamenti italian shpall neutralitetin e vendit në luftën e parë botërore. Por duket se ishte traktati i fshehtë i Londrës (1915), i cili i premtonte Italisë një pjesë të Shqipërisë, që e bëri Romën t'i shpallte luftë Austrisë. 1932 - Fizikanti zviceran, i lindur ne Gjermani, Albert Einstein merr vizën amerikane. Einstein kishte ikur nga Gjermania në shenjë proteste ndaj diskriminimit të hebrenjëve nga ana e nazistëve. Ai mbërriti në Londër prej nga emigroi në Amerikë. 1945 - Një aeroplan ushtarak amerikan humbet në Trekëndëshin Bermuda, ndërsa fluturonte mbi Atlantik. Një nga avionët që u dërgua për kërkim-shpëtim me një ekuipazh prej 13-personash, gjithashtu u zhduk. Shkaqet mbetën të paqarta. Mendim i Ditës "Të dukurit është ideja e budallait për lavdi." Bruce Lee
www.voal-online.ch
|